နည်းပညာသည် ယခင်ကထက် ပိုမိုလျှင်မြန်စွာတိုးတက်လာသည့်အတွက် ဘဏ်လုပ်ငန်းဝန်ဆောင်မှုနှင့် ငွေကြေးစီမံခန့်ခွဲမှုတို့သည်လည်း အီလက်ထရောနစ် နည်းစနစ်အသွင်ကူးပြောင်းလာသည်။ သို့ဖြစ်ရာ လွယ်ကူအဆင်ပြေစေရန်အတွက်သာမက လုံခြုံရေးအတွက်ပါ ဝန်ဆောင်မှုအသစ်များကို နားလည်ရန် အရေးကြီးပါသည်။ အီလက်ထရောနစ်ဘဏ်လုပ်ငန်းဝန်ဆောင်မှုဆိုသည်မှာ အီလက်ထရောနစ် ငွေလွဲပြောင်းမှုအဖြစ်သိထားကြသော Electronic Fund Transfer (EFT) ဖြစ်ပြီး စာရင်းတစ်ခုမှငွေများကို အခြားစာရင်းတစ်ခုသို့ အီလက်ထရောနစ် နည်းပညာအရ လွဲပြောင်းပေးခြင်းကိုဆိုလိုသည်။ အီလက်ထရောနစ်ဘဏ်စနစ်သည် အတော်ပင် ကျယ်ပြန့်လာသည်ဖြစ်ရာ သင့်အနေဖြင့် လက်ငင်းချက်ခြင်း ငွေပေးချေမှုများ သို့မဟုတ် အီလက်ထရောနစ် နည်းပညာအရ ငွေလွဲပြောင်းပေးလိုမှုများ အစရှိသောအခြေအနေမျိုးကို ကြုံတွေ့နိုင်ဖွယ်ရှိသည်။

buying a home

အီလက်ထရောနစ်ဘဏ်စနစ်အကြောင်းနားလည်ခြင်းသည် သင့်အတွက်သာမက သင်၏ငွေကြေးကဏ္ဍအတွက်လည်း များစွာအကျိုးဖြစ်ထွန်းစေမည်။ သင့်အတွက်အကျိုးရှိစေရန် အသုံးပြုခြင်းသည် အဆင်ပြေလွယ်ကူရုံသာမက သင်၏ ငွေလွဲပြောင်းမှုများနှင့် ငွေပေးချေမှုများကိုလည်း ခြေရာခံကြည့်ရှု နိုင်သည်။ အီလက်ထရောနစ်ဘဏ်စနစ်တွင် အဓိကသော့ချက် (၃) ရပ်ရှိသည်။  အလိုအလျောက်ဖြေရှင်းပေးသောစက်များ (automated teller machines - ATMs)၊ တိုက်ရိုက်ငွေပေးသွင်းခြင်း နှင့် ငွေပေးသွင်းအသုံးပြုကတ် (debit card) ဝယ်ယူခြင်းတို့ဖြစ်သည်။

ATMs
ATM သည် လျင်မြန်လွယ်ကူစွာ ငွေသွင်း ငွေထုပ်လုပ်နိုင်သည့် နည်းလမ်းတစ်ရပ်ဖြစ်ကြောင်း လူအများနှင့် ရင်းနှီးပြီးသားဖြစ်သည်။ ATM သည် များသောအားဖြင့် မည်သည်အချိန်မဆို ငွေထုပ်နိုင်ခွင့်ရှိသည်။ ATM အများစုသည် သင်၏ ငွေစာရင်းများအကြား လျှင်မြန်လွယ်ကူအဆင်ပြေစွာ ငွေလွဲပြောင်းခြင်းနှင့် ငွေသွင်းခြင်းများကို (၂၄/၇) ၂၄နာရီ ၇ ရက်ကာလပတ်လုံး ပြုလုပ်ပေးနိုင်ကြောင်း လူအများစု သိရှိမထားကြချေ။

တိုက်ရိုက်ငွေသွင်းခြင်း
အီလက်ထရောနစ်ဘဏ်စနစ်၏ အားသာချက်တစ်ရပ်မှာ တိုက်ရိုက်ငွေသွင်းနိုင်ပြီး မိမိငွေစာရင်းများမှတစ်ဆင့် ငွေသွင်း ငွေထုပ်လုပ်နိုင်ခြင်းပင်ဖြစ်သည်။ အကယ်၍ သင်သည် ပုံမှန်လစာရရှိနေသူဖြစ်ပါက အလုပ်ရှင်အနေဖြင့် သင်၏ ဘဏ်စာရင်းထဲသို့ တိုက်ရိုက်လစာပေးသွင်းနိုင်သည်။ အလားတူပင် အိမ်ဝယ်ယူချေးငွေ၊ အာမခံပေးသွင်းငွေ အစရှိသော မပျက်မကွက် ပုံမှန်ပေးသွင်းရငွေများကိုလည်း အီလက်ထရောနစ်ဘဏ်လုပ်ငန်းဝန်ဆောင်မှုဖြင့် မေ့လျော့ခြင်းမရှိဘဲ လွယ်ကူသက်သာစွာ ပေးသွင်းပေးနိုင်ပါသည်။

ငွေပေးသွင်းအသုံးပြုကတ် (debit card) ဝယ်ယူမှုများ
များသောအားဖြင့် ငွေပေးသွင်းအသုံးပြုကတ် (debit card) ဝယ်ယူမှုများသည် အကြွေးဝယ်ခွင့်ကတ်ငွေလွဲပြောင်းမှုများနှင့် အလားသဏ္ဍာန်တူသည်။ အီလက်ထရောနစ်ဘဏ်လုပ်ငန်းဝန်ဆောင်မှုဖြင့် ငွေပေးသွင်းအသုံးပြုကတ် (debit card) ၏ ငွေပေးချေမှုများကို လူကိုယ်တိုင်ဖြစ်စေ၊ online မှဖြစ်စေ၊ ဖုန်းဖြင့်ဖြစ်စေ ပြုလုပ်နိုင်သည်။ အကြွေးဝယ်ခွင့်ကတ်ကဲ့သို့ပင် အသုံးပြုရန် လွယ်ကူအဆင်ပြေသော်လည်း ချိတ်ဆက်ထားသော သင်၏ ငွေစာရင်းမှ တိုက်ရိုက်ထုတ်ယူပြီး မိမိတွင်ရှိသည်ထက် ပိုမိုသုံးစွဲခွင့်မရှိပါ။

ယခု သင့်အနေဖြင့် အီလက်ထရောနစ်ဘဏ်လုပ်ငန်းဝန်ဆောင်မှု၏ အကျိုးကျေးဇူးများကို သိရှိနားလည်ပြီးဖြစ်သည့်အတွက် ထပ်မံ၍ စမတ်ဖုန်းမှတစ်ဆင့် မိမိ၏ငွေကြေးကို မည်သို့စီမံခန့်ခွဲမည်ကို သိရှိလိုပါလိမ့်မည်။ ကျွန်ုပ်တို့၏ မိုဘိုင်းဘဏ်ဝက်ဘ်ဆိုက် တွင် ပိုမိုသိရှိနိုင်ရန် သွားရောက်လေ့လာပါ။

မျှဝေမည်