ဘဏ္ဍာရေးဆိုင်ရာအဖွဲ့အစည်းများ

၂၀၁၃ ခုနှစ် မေလအတွင်းထုတ်ပြန်သော FinScope လေ့လာဆန်းစစ်ချက်အရ အရွယ်ရောက်သူ မြန်မာလူမျိုးများ၏  ၅ ရာခိုင်နှုန်းတွင်သာ ဘဏ်အကောင့်ရှိထားကြောင်း သိရသည်။ ဘဏ်တစ်ခုမှ ပေးအပ်သောဝန်ဆောင်မှုများအားလုံးကို ခြုံငုံကာ ဘဏ်လုပ်ငန်းဝန်ဆောင်မှုဟု ခေါ်ဆိုသည်။ ဘဏ်လုပ်ငန်းဝန်ဆောင်မှုကိုအသုံးပြုကာ လူတစ်ဦးချင်းစီအနေဖြင့် လုံခြုံသောနေရာတွင် ငွေကြေးသိမ်းဆည်းခြင်း၊ ငွေလွှဲပြောင်းခြင်း၊ ငွေအသွင်းအထုတ်ပြုလုပ်ခြင်းတို့ကို သင့်တင့်မျှတသော စည်းမျဉ်းဘောင်များအတွင်း ဆောင်ရွက်နိုင်သည်။ မိမိ၏ ငွေကြေးကို အကောင်းဆုံးစီမံသုံးစွဲနိုင်ရေးအတွက် ဘဏ္ဍာရေးဆိုင်ရာအဖွဲ့အစည်းများ၏ လုပ်ငန်းလည်ပတ်ပုံ၊ ဝန်ဆောင်မှုများကို သိရှိထားရန် လိုအပ်ပါသည်။

ဘဏ္ဍာရေးဆိုင်ရာအဖွဲ့အစည်းများ၏ လုပ်ငန်းလည်ပတ်ပုံ အခြေခံအချက်များအကြောင်းကို ထဲထဲဝင်ဝင်လေ့လာခြင်း မပြုသေးမီ အဓိက ဘဏ္ဍာရေးဆိုင်ရာအဖွဲ့အစည်းအမျိုးအစားနှင့် ၎င်းတို့၏ ဝန်ဆောင်မှုများကို နားလည်သိရှိရန် အရေးကြီးသည်။ 

    
• ဘဏ်များသည် ကုမ္ပဏီအစုရှယ်ယာများကို ဝယ်ယူထားသော ရှယ်ယာရှင်များက ပိုင်ဆိုင်သော ငွေကြေးအကျိုးအမြတ်အပေါ် ရပ်တည်သည့် အများပိုင်ကုမ္ပဏီများဖြစ်သည်။ ဘဏ်များသည် FDIC မှတစ်ဆင့် အစိုးရအာမခံရယူထားရှိကြသည်။ ကြွေးမြီအသင်းအဖွဲ့များနှင့်နှိုင်းယှဉ်လျှင် ဘဏ်များနှင့် ချိတ်ဆက်ဆောင်ရွက်ရခြင်းသည် အများအားဖြင့် ပိုမိုလွယ်ကူပြီး ဘဏ်အကောင့်ရှိသူများအတွက် ရွေးချယ်အသုံးပြုဖွယ်ဝန်ဆောင်မှုများစွာရှိသည်။ သင်သည် အွန်လိုင်းနှင့် မိုဘိုင်းလ်ဘဏ်လုပ်ငန်းဝန်ဆောင်မှု သို့မဟုတ် အပြည်ပြည်ဆိုင်ရာ ATM ဝန်ဆောင်မှုများပေးအပ်နိုင်သောအဖွဲ့အစည်းမျိုး လိုအပ်ပါက ဘဏ်များသည် ပိုမိုသင့်တော် ကောင်းမွန်ပါသည်။