ကြွေးမြီဝန်ထုပ်ကို နားလည်သဘောပေါက်ခြင်း

ရိုးရှင်းသော ဖော်ပြပါ အဆင့်လေးဆင့်ကို လိုက်နာပါ။

• ၁။ သင်၏ လစဉ် ပေးဆပ်ရမည့် ကြွေးမြီငွေအားလုံးကို တွက်ချက်ပါ။ အကယ်၍ သင့်တွင် လစဉ်ပေးဆပ်ငွေ ပုံသေမရှိပါက သင်ပေးဆပ်ရန်ရှိသော အကြွေးစုစုပေါင်း၏ လေးရာခိုင်နှုန်းကို လစဉ်ပေးဆပ်ရမည့်ပမာဏအဖြစ် ခန့်မှန်းနိုင်ပါသည်။
• ၂။ တစ်နှစ်စာ စုစုပေါင်းဝင်ငွေများကို ၁၂ ဖြင့် စားခြင်းဖြင့် သင်၏ လစဉ်ဝင်ငွေကို ရရှိမည်။
• ၃။ စုစုပေါင်း လစဉ်ပေးချေရမည့်ပမာဏကို လစဉ်ဝင်ငွေနှင့် စားပါ။
• ၄။ ညာဖက် ဒဿမ နှစ်လုံးအထိကို ရာခိုင်နှုန်းအဖြစ် သတ်မှတ်ခြင်းဖြင့် ယင်းသည် သင်၏
      ကြွေးမြီ / ဝင်ငွေ အချိုးပင်ဖြစ်သည်။

ကြွေးမြီ/ ဝင်ငွေ အချိုးသည် ၁၀ ရာခိုင်နှုန်း သို့မဟုတ် ပိုမို လျော့နည်းပါက သင်၏ ငွေကြေးအခြေအနေကို ကောင်းသည်ဟု ယူဆရမည်ဖြစ်သည်။  ၁၀ မှ ၂၀ ရာခိုင်နှုန်းအထိကိုလည်း အခြေအနေကောင်းသော ကြွေးမြီအဖြစ် သတ်မှတ်နိုင်သည်။ သို့ရာတွင်  ၂၀ ရာခိုင်နှုန်းနှင့်အထက်ဖြစ်နေပါက သင်၏ကြွေးမြီဝန်ကို ဆန်းစစ်ရတော့မည့် အချိန်ပင်ဖြစ်သည်။ ကြွေးမြီရှင်များအနေဖြင့် ထိုကဲ့သို့ ကြွေးမြီ/ ဝင်ငွေ အချိုးမြင့်မားစွာရှိသောသူသို့ ချေးငွေထုတ်ပေးနိုင်ချေ နည်းပါးပြီး၊ ချေးခဲ့ပါကလည်း အတိုးနှုန်း ပိုမိုမြင့်မားစွာတောင်းခံနိုင်သည်။

သင့် ငွေကြေးအခြေအနေကို တိုင်းတာရန် အခြားနည်းလမ်းတစ်ရပ်မှာ သင်၏ ကိုယ်ပိုင် ငွေကြေးတန်ဖိုး စုစုပေါင်းကို တွက်ချက်ရန်ဖြစ်သည်။

ပိုင်ဆိုင်မှုတန်ဖိုးများ - ပေးဆပ်ရန်တန်ဖိုးများ = လက်ကျန်တန်ဖိုး

• ပိုင်ဆိုင်မှု တန်ဖိုးများ – အိမ်၊ ကား၊ အိမ်ထောင် ပရိဘောဂ အစရှိသည်တို့အပါအဝင် တန်ဖိုးတွက်ချက်နိုင်သည့် သင်၏ ပိုင်ဆိုင်မှုအလုံးစုံ
• ပေးဆပ်ရန်များ –အိမ်ခြံမြေချေးငွေ၊ ကြွေးမြီကတ် လက်ကျန်၊ အတိုး၊ ကျောင်းစရိတ်ချေးငွေ၊ မိသားစုနှင့် မိတ်ဆွေများထံမှ ချေးငွေများ အစရှိသည်တို့အပါအဝင် ပေးဆပ်ရမည့် အရာအားလုံး

ချေးငွေများကို ဦးစားပေး သတ်မှတ်ခြင်း
ကြွေးမြီသည် ဖြေရှင်းမှုနည်းတစ်မျိုးတည်းနဲ့ ဖြေရှင်း၍ မရပါ။ ကြွေးမြီများကို စီမံခန့်ခွဲရန်အတွက် နည်းလမ်းနှစ်မျိုးရှိပါသည်။ နည်းလမ်းတစ်သွယ်ကို ရွေးချယ်ခြင်းမပြုမီ မိမိ၏ ငွေကြေးအခြေအနေနှင့် လာရာများကို စဉ်းစားပါ။ ထို့နောက် သတ်မှတ်ထားသည့်အတိုင်း လိုက်နာဆောင်ရွက်ပါ။

• အကြွေး နှင်းဘောလုံး နည်းလမ်း – ဤနည်းသည်  ကြွေးမြီ ပမာဏပေါ်မူတည်ကာ ဦးစားပေး ပေးဆပ်သည့်နည်းလမ်းဖြစ်သည်။ ပမာဏ နည်းပါးသောချေးငွေများကို ဦးစွာပေး ပေးဆပ်ခြင်း ဖြင့် စောစီးစွာ ချေးငွေ အမြောက်အများကို  ပေးဆပ်ပြီးဖြစ်ကာ ဤနှင်းဘောလုံးသဏ္ဍာန် (တဖြည်းဖြည်းကြီးထွားလာသည့်) ပေးဆပ်မှုသည်လည်း သင်၏ စိတ်ပိုင်းဆိုင်ရာ ဆုလာဒ်အဖြစ် စိတ်ချမ်းသာရမည်ဖြစ်သည်။ တိုးတက်မှုကို မြင်တွေ့ရသည့်အခါ လူများစွာသည် ချေးငွေများကိုပေးဆပ်ရန် စိတ်ဓာတ် ပိုမိုတက်ကြွလာသည်။
• အကြွေးလွယ်ကူလျင်မြန်စွာဆပ်နည်း –အကြွေးလွယ်ကူလျင်မြန်စွာဆပ်နည်းဖြင့် ပေးဆပ်သည့်အဓိပ္ပါယ်မှာ ပဏာမအနေဖြင့် ကြွေးမြီတစ်ခုချင်းစီအတွက် အနည်းဆုံးငွေတစ်ရပ်ပေးဆပ်ကာ ကျန်ရှိနေသည့် ငွေဖြင့် အတိုးနှုန်းအမြင့်မားဆုံး ကြွေးမြီကို ထပ်မံပေးဆပ်ခြင်းဖြစ်သည်။
• ထိုသို့ပေးဆပ်သည်နှင့် ဒုတိယ အတိုးနှုန်းမြင့်မားသော ကြွေးမြီကိုဖြေရှင်းပါ။ အဆိုပါနည်းလမ်းကို အသုံးပြုခြင်းဖြင့် ကြွေးမြီများကို ပိုမိုလျင်မြန်စွာ ပေးဆပ်နိုင်မည်ဖြစ်ပြီး၊ စုစုပေါင်း အတိုးနှုန်းကိုလည်း လျော့ချနိုင်ပါလိမ့်မည်။