ဘဏ္ဍာရေးအဖွဲ့အစည်းများဆိုင်ရာ အခြေခံအချက်များ

ဘဏ်လုပ်ငန်းဝန်ဆောင်မှုအသုံးပြုခြင်း၏ အကျိုးကျေးဇူးများမှာ အဘယ်နည်း။

လုံခြုံမှု
ငွေသားများကို မိမိကိုယ်တိုင်သိမ်းဆည်းထားခြင်းသည် ခိုးယူခြင်းခံရနိုင်ခြေ သို့မဟုတ် ဆုံးရှုံးရနိုင်ခြေ မြင့်မားစေပါသည်။ မိမိ၏ ငွေကြေးများကို ပျောက်ရှမှုအတွက် စိုးရိမ်ရန်မလိုအပ်ဘဲ ဘဏ်တွင် လုံခြုံစွာ သိမ်းဆည်းထားနိုင်မည်ဖြစ်သည်။

အဆင်ပြေချောမွေ့မှု
ဘဏ်ထဲတွင် အပ်နှံထားသောငွေကို အွန်လိုင်းမှဖြစ်စေ၊ ATM စက်မှ ဖြစ်စေ၊ ဘဏ်ဝန်ဆောင်မှုဌာနကို ဖုန်းဆက်၍ဖြစ်စေ မည်သည့်နေရာမှမဆို ထုတ်ယူနိုင်ပါသည်။ ဘဏ်အကောင့်တစ်ခုရှိထားခြင်းအားဖြင့် မိမိ၏ အလုပ်ရှင်သည် ၎င်းအကောင့်ထဲသို့ လစာငွေကို တိုက်ရိုက်ထည့်သွင်းပေးနိုင်သောကြောင့် ပို၍ လျင်မြန်လွယ်ကူစွာ လစာရယူနိုင်သည်။

ငွေစာရင်းရေးဆွဲခြင်း
မိမိဘဏ်အကောင့်၏ လက်ကျန်ငွေနှင့် ငွေအထုတ်အသွင်းပမာဏများပါဝင်သော မှတ်တမ်းတစ်ခုဖြစ်သည့် ငွေစာရင်းရှင်းတမ်းကို သုံးသပ်စစ်ဆေးခြင်းသည် ငွေကြေးစီမံခန့်ခွဲခြင်းနှင့် ငွေစာရင်းအတိုင်း လိုက်နာဆောင်ရွက်နိုင်ရေးအတွက် အထောက်အကူပြုသည်။ ငွေစာရင်းရှင်းတမ်းကိုစစ်ဆေခြင်းအားဖြင့် ကားဝယ်ယူမှုအတွက် ငွေပေးချေခြင်း သို့မဟုတ် မိတ်ဆွေများနှင့် ညဘက်အပြင်ထွက်လည်ခြင်းတို့အတွက် ငွေသုံးစွဲခြင်းမျိုးကဲ့သို့သော မိမိငွေသုံးစွဲနေသည့်နေရာများကို တိတိကျကျသိရှိနိုင်သည်။

ငွေကြေး ပိုမိုရရှိခြင်း
ဘဏ်ဝန်ဆောင်မှုကို အသုံးပြုခြင်းအားဖြင့် မိမိ၏ ငွေကြေးများ တိုးပွားလာနိုင်ပါသည်။ ဘဏ်အကောင့်ဖွင့်ကာ ငွေကြေးအပ်နှံထား၍ ရရှိလာသောအတိုးနှင့်ပင် မိမိ၏ ငွေများတိုးပွားလာနိုင်သည်ဆိုသည့်အချက်သည် ယုံကြည်ရန် ခက်ခဲကောင်းခက်ခဲနိုင်မည်ဖြစ်သော်လည်း အမှန်ပင်ဖြစ်သည်။ ဘဏ်များသည် မိမိ၏ ငွေလက်ကျန်အပေါ်တွင် အတိုးနှုန်းသတ်မှတ်ကာ ၎င်းအတိုးကို မိမိ၏ ဘဏ်စာရင်းထဲသို့ လစဉ်တိုက်ရိုက်ပေါင်းထည့်ပေးသည်။