ကျွန်ုပ်တို့သည် အချိန်မရွေး၊ နေရာမရွေးနီးပါး Wi-Fi ရရှိနိုင်သည့် အလွန်တရာတိုးတက်ပြောင်းလဲရွေ့လျားနေသော ကမ္ဘာကြီးထဲတွင် နေထိုင်နေကြသည်။ သို့ဖြစ်ရာ ယခုအခါ ဘဏ်တိုင်းလိုလိုသည် မိုဘိုင်းဘဏ်လုပ်ငန်းဝန်ဆောင်မှု၏ စွမ်းဆောင်နိုင်မှုများကို ဘဏ်ငွေစာရင်းစီမံခန့်ခွဲမှုနှင့် စစ်ဆေးကြည့်ရှုသော အယ်ပလီကေးရှင်းများမှတစ်ဆင့် ဝန်ဆောင်မှုများပေးနေပြီဖြစ်သည်။
မိုဘိုင်းဘဏ်လုပ်ငန်းဝန်ဆောင်မှု
ကတ်နှင့် ငွေစာရင်းပိုင်ရှင်အားလုံး စဉ်ဆက်မပြတ်မလုပ်ဆောင်နေသော ဘဏ်လုပ်ငန်းဝန်ဆောင်မှုကို လက်ရှိ မိုဘိုင်းနည်းပညာကိုအသုံးပြု၍ ဆောင်ရွက်နိုင်သည်။ သင်၏ ဘဏ်အက်ပလီကေးရှင်းကို ဒေါင်းလုတ်(download) လုတ်ယူပြီးပါပြီလား။ မလုပ်ရသေးပါက လုပ်ကြည့်ပါ။ သင်၏ ငွေကို စီမံခန့်ခွဲရန် ပိုမိုလွယ်ကူပြီး အဆင်ပြေပါလိမ့်မည်။ မိုဘိုင်းဘဏ်လုပ်ငန်းဝန်ဆောင်မှုနှင့် စပ်လျဉ်း၍ မကြာခဏမေးမြန်းတတ်သည့် မေးခွန်းများကိုဖော်ပြထားပါသည်။
မိုဘိုင်းဘဏ်လုပ်ငန်းဝန်ဆောင်မှုဖြင့် မည်သည်အရာများကို လုပ်ဆောင်နိုင်မည်နည်း
ဤသည်မှာ နည်းပညာအသစ်ဖြစ်သော်ငြား သင့်အနေဖြင့် လုပ်ရိုးလုပ်စဉ် ဘဏ်လုပ်ငန်းအားလုံးနီးပါးကို ဆောင်ရွက်နိုင်ရုံသာမက လုပ်ဆောင်မှုအသစ်များကိုလည်း ဆောင်ရွက်နိုင်သည်။ မိုဘိုင်းဘဏ်လုပ်ငန်းဝန်ဆောင်မှုကို အသုံးပြု၍ လက်ကျန်ငွေစစ်ခြင်း၊ သုံးစွဲမှုအပေါ်ခြုံငုံကြည့်ခြင်း၊ ငွေစာရင်းမှတ်တမ်းအား သုံးသပ်စစ်ဆေးခြင်း၊ ATM များ၏ နေရာရှာဖွေခြင်း၊ ချက်ငွေသွင်းခြင်း၊ ငွေလွှဲခြင်း၊ ဘေလ်ဆောင်ခြင်း၊ သင်၏ငွေစာရင်းနှင့် ဆက်နွယ်သည်တို့ကို စာတိုပေးပို့၍အသိပေးခြင်း အစရှိသည်တို့ကို ပြုလုပ်နိုင်သည်။
မိုဘိုင်းဘဏ်လုပ်ငန်းဝန်ဆောင်မှု၏ အကျိုးကျေးဇူးများ
မိုဘိုင်းဘဏ်လုပ်ငန်းဝန်ဆောင်မှုသည် ငွေကြေးနှင့် ဆက်စပ်သည့် လုပ်ငန်းဆောင်တာမျိုးစုံကို ဝန်ဆောင်ပေးပြီး အကောင်းဆုံးမှာ (၂၄/၇) ၂၄နာရီ (၇) ရက်တာလုံး မိမိငွေကို အသွင်းအထုတ်လုပ်ခွင့်ရှိသည်။ ဝယ်ယူခြင်းအတွက် ငွေပေးချေရန်သော်လည်းကောင်း၊ ငွေထည့်သွင်းရန်သော်လည်းကောင်းအစရှိသည့် ကိစ္စရပ်များကို မည်သည့်အချိန် မည်သည်နေရာတွင်မဆို လိုအပ်သလို လုပ်ဆောင်နိုင်ပါသည်။ အားသာချက်နောက်တစ်ရပ်မှာ ဘဏ္ဍာရေးဆိုင်ရာအဖွဲ့အစည်းအများစုသည် မိုဘိုင်းဘဏ်လုပ်ငန်းဝန်ဆောင်မှုများအတွက် အခကြေးငွေ ကောက်ခံခြင်း မပြုခြင်းဖြစ်သည်။
မိုဘိုင်းဘဏ်လုပ်ငန်းဝန်ဆောင်မှုသည် လုံခြုံစိတ်ချရမှုရှိပါသလား
စမတ်ဖုန်းမှတစ်ဆင့် ဘဏ်လုပ်ငန်းဝန်ဆောင်မှုလုပ်ဆောင်ခြင်းသည် လုံခြုံစိတ်ချရမှုနည်းပါးသည်ဟု စိတ်တွင်ထင်မှတ်ခြင်းမှာ အများအားဖြင့် မှားယွင်းသောထင်မြင်ယူဆချက် တစ်ရပ်သာဖြစ်သည်။ လက်ရှိ မိုဘိုင်းဘဏ်လုပ်ငန်းဝန်ဆောင်ခြင်း၏ အဆင့်မြင့်မားမှုကိုသုံးသပ်၍ ဤထင်မြင်ယူဆချက်များအပေါ် နားလည်နိုင်သော်လည်း အမှန်တကယ် ယင်းအချက်များသည် အခြေအမြစ်မရှိချေ။ အထူးသဖြင့် မိုဘိုင်းဘဏ်လုပ်ငန်းဝန်ဆောင်မှုသည် လျှို့ဝှက်နံပါတ်ထားရှိနိုင်သည့်အတွက် ငွေပေးရန်နှင့် ငွေလွဲပြောင်းရန် အလုံခြုံဆုံးနှင့် အဆင်အပြေဆုံးနည်းလမ်းတစ်ရပ်ဖြစ်လာသည်။
ခြုံငုံသုံးသပ်ကြည့်ပါက မိုဘိုင်းဘဏ်လုပ်ငန်းဝန်ဆောင်မှုသည် (၂၄/၇) ၂၄နာရီ (၇) ရက်တာလုံး မိမိ၏ သုံးစွဲမှုနှင့် စုဆောင်းမှုတို့ကို အလွယ်တကူ စီမံခန့်ခွဲနိုင်သည်။
မျှဝေမည်
မျှဝေမည်