သင်၏ အလေ့အကျင့်များကို ခဏမျှအချိန်ယူ စဉ်းစားကြည့်လိုက်ပါ။ မလိုအပ်သည့် အီးမေးလ်များကိုဖျက်ပစ်ပါသလား။ သင်၏ ငွေစာရင်းရှင်းတမ်းများနှင့် ပြေစာများကိုလည်း လွှင့်မပစ်ခင် ဆုတ်ဖြဲပစ်ပါသလား။ အယောင်ဆောင်လိမ်လည်ခိုးယူခံရခြင်း၏ အန္တရာယ်ဖြစ်နိုင်ချေ အနည်းဆုံး အခြေအနေထိ လျှော့ချရန်အတွက် အောက်ပါတို့ကဲ့သို့သော ရိုးရှင်းလွယ်ကူသည့် အဆင့်များရှိပါသည်။
ငွေကြေးလိမ်လည်မှု ကိုမည်သို့ကာကွယ်ရမည်နည်း။
အင်တာနက်ကို ဘေးကင်းလုံခြုံစွာအသုံးပြုပါ။
ကိုယ်ရေးကိုယ်တာဆိုသည်မှာ အထူးသဖြင့် ယနေ့ကဲ့သို့သော သတင်းခေတ်တွင် အရေးကြီးသည့်ကိစ္စတစ်ရပ်ဖြစ်သည်။ သင်၏ အချက်အလက်များကို လုံခြုံစိတ်ချမှုရှိစေရန်အတွက် ကိုယ်ရေးကိုယ်တာ အချက်အလက်များတောင်းဆိုသည့် မလိုအပ်သော အီးမေးလ်များကို ဖျက်ပစ်ပါ။ ဗိုင်းရပ်စ်သတ်သည့် ဆော့ဖ်ဝဲလ်နှင့် anti-spyware ဆော့ဖ်ဝဲလ်များကို အဆင့်မြှင့်တင် အသုံးပြုပါ။ လုံခြုံစိတ်ချရသည့် ဝက်ဘ်ဆိုက်စာမျက်နှာများမှသာ အွန်လိုင်းဈေးဝယ်ခြင်းကို ပြုလုပ်ပါ။ (Browser တွင် သော့ပုံသဏ္ဍာန် ပုံလေး ရှိ၊ မရှိစစ်ပါ။ သို့မဟုတ် လိပ်စာဖော်ပြသည့်နေရာတွင် “http” ရှိ မရှိ ကြည့်ပါ။) အကြွေးဝယ်ခွင့်ကတ်နံပါတ်များနှင့် အခြားကိုယ်ရေးကိုယ်တာအချက်အလက်များကို အီးမေးလ်မှတစ်ဆင့် ပေးပို့ခြင်းမျိုးကို မည်သည့်အခါမှ မပြုလုပ်ပါနှင့်။
ကိုယ်ရေးကိုယ်တာအချက်အလက်များကို ဖျက်ပစ်ပါ။
အကြွေးဝယ်ခွင့်ကတ်ငွေစာရင်းရှင်းတမ်းများ၊ ATM၊ Credit သို့မဟုတ် Debit ကတ်ပြေစာများ၊ ဘဏ်သွင်းငွေစာရင်းပြေစာများ၊ ကြွေးမြီ တောင်းခံစာများနှင့် ကိုယ်ရေးကိုယ်တာ အချက်အလက်များပါသည့် စာရွက်စာတမ်းများကို ဆုတ်ဖြဲပစ်ပါ။
သင်၏ စာများကိုလုံခြုံစွာသိမ်းဆည်းပါ။
သင်၏ စာတိုက်ပုံးမှ စာများကိုပုံမှန်စစ်ပါ။ စာတိုက်ပုံးသော့ ကောင်းကောင်းကို အသုံးပြုပါ။ ကုန်ကျစရိတ်ငွေပေးချေမှုများနှင့် ချက်လက်မှတ်များကို စာတိုက်မှတစ်ဆင့် ပေးပို့သည့်အခါ စာတိုက်ရုံး သို့မဟုတ် လုံခြုံစိတ်ချရသည့်စာတိုက်ပုံးမှတစ်ဆင့်ပေးပို့ပါ။ ဤကဲ့သို့ ရိုးရှင်းလွယ်ကူသည့် ပြောင်းလဲမှုများက သင်၏ ကိုယ်ရေးကိုယ်တာ လုံခြုံမှုအတွက် ကြီးမားသည့်အကျိုးသက်ရောက်မှုကို ဖြစ်စေပါသည်။
သင်၏ ကြွေးမြီအစီရင်ခံစာကို စစ်ဆေးပါ။
မသင်္ကာဖွယ်လုပ်ဆောင်ချက်များ ရှိ၊ မရှိ အနည်းဆုံး တစ်နှစ်လျှင် တစ်ကြိမ် သင်၏ ကြွေးမြီအစီရင်ခံစာကိုရယူစစ်ဆေးပါ။ အစီရင်ခံစာ မိတ္တူကို အခမဲ့မည်သို့ ရယူရမည်ကို လေ့လာပါ။
ငွေကြေးလိမ်လည်ခြင်းများကို သတိပြုပါ။
သင်၏ ကိုယ်ရေးကိုယ်တာအချက်အလက်များကို ကာကွယ်ရန်အတွက် အမြဲအသင့်ရှိပါ။ ဖုန်းမှတစ်ဆင့် ဈေးကွက်ချဲ့ထွင်သူများကို မည်သည့်အခါမှ ကိုယ်ရေးကိုယ်တာအချက်အလက်များကို မပေးပါနှင့်။ သို့မဟုတ် သင်နှင့် သက်ဆိုင်သည့်ဘဏ်၊ အကြွေးဝယ်ခွင့်ကတ် ထုတ်ပေးသူ၊ အစိုးရအေဂျင်စီ၊ လူမှုရေးအဖွဲ့အစည်းနှင့် အခြား အဖွဲ့အစည်းများ၏ အချက်အလက်များပေးရန် တောင်းဆိုသည့် မေးလ်များကို ပြန်လည်ပေးပို့ခြင်းမပြုပါနှင့်။ အကယ်၍ တောင်းဆိုချက်များက တရားဥပဒေအရဖြစ်သည်ဟု သင်ထင်ပါက ကုမ္ပဏီသို့ တိုက်ရိုက်ချိတ်ဆက်မေးမြန်းပြီး အတည်ပြုချက်ရယူပါ။
မျှဝေမည်
မျှဝေမည်