တစ်ပတ်ရစ်ကားတစ်စီး ဝယ်ယူခြင်း

သင်သည် တရားဝင်ကားအရောင်းပြခန်းများမှ ကားအသစ် ဝယ်ယူနိုင်သည်။ ပြည်ပမှတင်သွင်းထားသော ကားအသစ်များမှာ ဈေးအလွန်ကြီးလှသောကြောင့် ငွေကြေးကြွယ်ဝသူအချို့သာ ဝယ်ယူနိုင်သည်။ မြန်မာလူမျိုးအများစုသည် ပြည်ပမှကားတင်သွင်းလာသူများ၊ ပြည်တွင်းအကျိုးဆောင်ပွဲစားများထံမှ တစ်ပတ်ရစ်ကားများကို ဝယ်ယူလေ့ရှိသည်။ အဘယ်ကြောင့်ဆိုသော် စည်းမျဉ်းစည်းကမ်းနည်းခြင်းနှင့် ဈေးနှုန်းသက်သာခြင်းတို့ကြောင့်ဖြစ်သည်။

ကားတန်ဖိုး။ ကားတန်ဖိုးမှာ ကား၏အခြေအနေပေါ် မူတည်ပေသည်။ ကားဝယ်ယူရာတွင် ကားနံပါတ်နှင့် ကားမော်ဒယ်ကိုလည်း ထည့်သွင်းစဉ်းစားလေ့ရှိသည်။ ကားများ၏ ဈေးကွက်ပေါက်ဈေးများမှာ ဝယ်လိုအား၊ ရောင်းလိုအားအပေါ်တွင်မူတည်ရုံသာမက ကားထုတ်လုပ်မှု၊ တင်သွင်းမှုဆိုင်ရာ စည်းမျဉ်းများပေါ်တွင်လည်း များစွာမူတည်လျက်ရှိသည်။

ကားထိန်းသိမ်းပြုပြင်မှုရာဇဝင် ပြည်ပမှတင်သွင်းလာသော တစ်ပတ်ရစ်ကားများ၏ ထိန်းသိမ်းပြုပြင်မှုရာဇဝင်ကိုသိရှိရန် မလွယ်ကူပါ။

ကားရာဇဝင်။ ကား၏ယခင်ပိုင်ရှင်များကို သိရှိပါက ကားရာဇဝင်ကို သိရှိနိုင်ကောင်း သိရှိနိုင်ပေသည်။

စမ်းသပ်မောင်းနှင် ကားအကြောင်းတတ်ကျွမ်းသူတစ်ဦးက စမ်းသပ်မောင်းနှင်သင့်သည်။

စက်ပြင်ဆရာ၏ တန်ဖိုးဖြတ်ခြင်း။ သင့်အနေဖြင့် ကားအကြောင်းထဲထဲဝင်ဝင် နားမလည်ပါက စက်ပြင်ဆရာတစ်ဦး၏ ထင်မြင်ချက်ကို မေးမြန်းသင့်သည်။