သင့်အိမ်အတွက် အပြီးသတ်အရောင်းအဝယ်ပြုလုပ်ခြင်း

စာချုပ်
အိမ်တစ်လုံးရှာတွေ့ရှိကာ ဈေးကမ်းလှမ်း၍ အိမ်ရောင်းသူက မိမိ၏ကမ်းလှမ်းမှုကို လက်ခံလိုက်ပါက ရောင်းသူဘက်မှ ကိုယ်စားလှယ် အကျိုးဆောင်က စည်းကမ်းချက်များနှင့် အရောင်းအဝယ်ဖြစ်သည့် နေ့စွဲတို့ပါရှိသော စာချုပ်တစ်ခုကို ပြင်ဆင်မည်ဖြစ်သည်။ ဤစာချုပ်ကို သင်လက်မှတ်ထိုးလိုက်သည့်အခါ သင်သည် အိမ်ကိုဝယ်ယူရန် တရားဝင်သဘောတူလိုက်ပြီဖြစ်သည်။

စစ်ဆေးခြင်း
ဤသည်မှာ အိမ်တစ်လုံးဝယ်ယူရာတွင် အရေးကြီးဆုံးအပိုင်းများထဲမှတစ်ခုဖြစ်သည်။ စာချုပ်တွင်လက်မှတ်မထိုးမီ၊ ငွေမချေမီ အိမ်ကို ဂရုတစိုက်စစ်ဆေးရန် လိုအပ်သည်။ အသေးစိတ်စစ်ဆေးမှု ပြုလုပ်သော်ငြားလည်း မမျှော်လင့်ထားသော ပြဿနာများ ကြုံတွေ့ရနိုင်သေးသည်။ ထို့ကြောင့် မိမိဘက်မှ နစ်နာမှုမရှိစေရန်အတွက် ထိုကဲ့သို့ပြဿနာတစ်စုံတစ်ရာပေါ်ပေါက်ပါက အိမ်ရောင်းသူက တာဝန်ယူရမည်ဆိုသည့်အချက်ကို စာချုပ်ထဲတွင် ထည့်ချုပ်ပါ။