မိမိ၏ရွေးချယ်စရာများကို သိရှိနားလည်ခြင်း

အသေးအဖွဲကျန်းမာရေးပြဿနာများအတွက် ဆေးရုံသွားမည့်အစား သင့်ရပ်ကွက်အနီးအနားရှိဆေးခန်းများသို့ သွားနိုင်သည်။ ပုဂ္ဂလိကဆေးရုံများတွင် စနစ်တကျကုသမှုပေးသည့် ဆေးခန်းများဖွင့်လှစ်ထားသော ပြင်ပလူနာကုဌာန (အိုပီဒီ) များ ရှိသည်။

အခြားကျန်းမာရေစောင့်ရှောက်မှုနည်းလမ်းများ
ကျေးလက်ဒေသနေပြည်သူများသည် တိုင်းရင်းဆေးကုသမှုများကို ပိုမိုရွေးချယ်လေ့ရှိသည်။ အချို့ တိုင်းရင်းဆေးများမှာ အမှန်တကယ် ထိရောက်မှုရှိပြီး ဈေးလည်း မကြီးပေ။ သို့ရာတွင် စနစ်တကျသုတေသနပြုတွေ့ရှိချက်များ မရှိခြင်း၊ အစားအသောက်နှင့်ဆေးဝါးကွပ်ကဲမှုဌာ၏ခွင့်ပြုချက် မရှိခြင်းများကြောင့် အဆိုပါတိုင်းရင်းဆေးများတွင် အရည်အသွေးအာမခံချက် မရှိချေ။

သင့်တွင် ငွေရေးကြေးရေးအခက်အခဲမရှိပါက ပြည်ပတွင် ဆေးစစ်နိုင်၊ ကုသမှုခံယူနိုင်သည်။ ကုန်ကျစရိတ် အသင့်တင့်ဆုံး ကျန်းမာရေးစောင့်ရှောက်မှုများအတွက် ဝန်ဆောင်မှုများမှာ ထိုင်း၊ စင်္ကာပူနှင့် အိန္ဒိယနိုင်ငံတို့တွင် ရှိကြသည်။ ပိုမိုအဆင့်မြင့်သည့် နည်းပညာ၊ နည်းလမ်းများကို အသုံးပြုသဖြင့် ယင်းနိုင်ငံများတွင် ပို၍သာလွန်ကောင်းမွန်သည့် ကျန်းမာရေးစောင့်ရှောက်မှုပေးနိုင်သည်ဟု လူများက ယူဆကြသည်။