အခြေအနေကို အကဲဖြတ်ခြင်း

ထည့်သွင်းစဉ်းစားရန်အချက်များ

• လုံခြုံစိတ်ချရမှု။ သင်၏ ဆွေမျိုးတော်စပ်သူက ၎င်းကိုယ်တိုင် စားရေးသောက်ရေးကို နေ့စဉ် စီစဉ်နိုင်ပါသလား။ အိမ်တွင် အကူအညီမလိုဘဲ သွားလာလှုပ်ရှားနိုင်ပါသလား။ ၎င်းကို တစ်ဦးတည်း အိမ်တွင်ထားခဲ့ပါက အန္တရာယ်ရှိနိုင်ပါသလား။


• ကိုယ်ခန္ဓာကျန်းမာရေး။ သင်၏ဆွေမျိုးတွင် ကုမရသောရောဂါတစ်ခုခု စွဲကပ်နေပါသလား။ ၎င်း၏ကျန်းမာရေးအခြေအနေသည် နေ့စဉ်လှုပ်ရှားသွားလာမှုကို အနှောင့်အယှက်ပေးနေပြီလား။ ၎င်းသည် စိတ်ကျဝေဒနာ ခံစားနေရပါသလား။


• ငွေကြေးအခြေအနေ။ သင်၏ဆွေမျိုးတွင် ၎င်း၏ကျန်းမာရေးစောင့်ရှောက်မှုအတွက်အသုံးပြုရန် အငြိမ်းစားစုဆောင်းမှု၊ ရင်းနှီးမြှုပ်နှံမှုတို့ကဲ့သို့ စုဆောင်းငွေများ ရှိပါသလား။ ၎င်းအတွက် လိုအပ်သော ကျန်းမာရေးဝန်ဆောင်မှုအားလုံး (သို့မဟုတ်) တစ်စိတ်တစ်ပိုင်းကိုပေးနိုင်မည့် အာမခံဝယ်ယူထားခြင်း ရှိပါသလား။


• နေထိုင်ရေးအခြေအနေ။ သင်သည် မိဘများ (သို့မဟုတ်) ဆွေမျိုးများနှင့်အတူတူနေထိုင်လျက်ရှိပါသလား။ ၎င်းတို့ကို ရိပ်သာကဲ့သို့သော အကူအညီအထောက်အပံ့ကောင်းသည့်နေရာမျိုးသို့ ပို့ဆောင်ရန် အစီအစဉ်ရှိပါသလား။ နေရေးထိုင်ရေးအပြောင်းအရွှေ့မလုပ်မီ မိမိ၏လိုအပ်ချက်၊ ဆွေမျိုးတော်စပ်သူ သက်ကြီးရွယ်အိုတို့၏ လိုအပ်ချက်နှစ်ရပ်စလုံးကို ထည့်သွင်းစဉ်းစားရန်လိုသည်။ မိမိကိုယ်တိုင် ပြုစုစောင့်ရှောက်မည်ဟု ဆုံးဖြတ်ပါက အားလုံးအတွက်ဖူလုံမှုရှိစေရန် ငွေရေးကြေးရေးအရ ပြင်ဆင်ထားမှုရှိပါစေ။