ကိုယ်တိုင်စောင့်ရှောက်ခြင်းနှင့် တတ်ကျွမ်းသူအကူအညီယူခြင်း

• အိမ်တိုင်ရာရောက် ကျန်းမာရေးစောင့်ရှောက်မှု – သင်တန်းဆင်းလက်မှတ် ရရှိပြီးသော ကျန်းမာရေးအကူလုပ်သားက တစ်ကိုယ်ရေ ပြုစု စောင့်ရှောက်ရန်အတွက် သင့်အိမ်တွင် လာရောက်ကာ သက်ကြီးရွယ်အိုကို စောင့်ရှောက်ပေးမှု။

ကိုယ်တိုင်စောင့်ရှောက်ခြင်း
မြန်မာသက်ကြီးရွယ်အိုတို့သည် အိမ်တွင်သာ နေထိုင်လိုကြသည်။ ဆေးကုသရန်လိုသည့်အခါတွင်ပင် ဆေးရုံ၌ ကြာရှည်မနေလိုကြပေ။ ထို့ကြောင့် သက်ကြီးရွယ်အိုများကိုစောင့်ရှောက်ရာတွင် ကိုယ်တိုင်ပြုစုစောင့်ရှောက်ပေးခြင်းသည် အလွန်အရေးကြီးသည်။

မိမိ၏ဆွေမျိုးသားချင်း သက်ကြီးရွယ်အိုတစ်ဦးကို ကိုယ်တိုင်ကိုယ်ကျ ပြုစုစောင့်ရှောက်ရမည်ဆိုပါက မိမိပေးရမည့် အချိန်နှင့် လုပ်အားကို ထည့်သွင်းစဉ်းစားရမည်ဖြစ်သည်။ ရေရှည်ယူရမည့် တာဝန်ဖြစ်သဖြင့် မိမိကို ကူညီနိုင်မည့်အခြားသူများကိုလည်း ရှာထားရန် လိုအပ်မည်ဖြစ်သည်။

သက်ကြီးရွယ်အိုများအတွက် မလိုလားအပ်သည့် မတော်တဆမှုများမဖြစ်စေရေးအတွက် ကြိုတင်သတိပြုဆောင်ရွက်ဖွယ်ရာများကို အိမ်တွင် ပြင်ဆင်ထားရမည်ဖြစ်သည်။

• တံခါးဝများ ချဲ့ခြင်း – တံခါးပေါက်များကို မချဲ့နိုင်လျှင်ပင် တံခါးဝအနီးရှိ ပစ္စည်းများကို ရှင်းလင်းထားသင့်သည်။
• ရေချိုးခန်းတွင် လက်ကိုင်တန်းများ တပ်ဆင်ခြင်း – လက်ကိုင်တန်းများ တပ်ထားခြင်းဖြင့် သက်ကြီးရွယ်အိုများ ရေချိုးခန်းတွင်း ကောင်းစွာသွားလာနိုင်စေပြီး၊ ချော်မလဲစေရန် ကြိုတင်ကာကွယ်နိုင်မည်။
• ကြမ်းခင်းအသစ်လဲ –  ချော်လဲနိုင်မည့် အခြေအနေများကို ဖယ်ရှားပစ်ပါ။