ငွေရေးကြေးရေးအရ ပြင်ဆင်ခြင်း

တချို့လူငယ်များက ကောလိပ်တက်နေစဉ် အလွတ်တန်းအလုပ် သို့မဟုတ် အချိန်ပိုင်းအလုပ်များ လုပ်ကြသည်။ သို့ရာတွင် မြန်မာနိုင်ငံတွင် အချိန်ပိုင်းအလုပ်လုပ်ခြင်းမှာ နည်းပါးသေးပြီး ယင်းအလုပ်မျိုးရှာရန် မလွယ်ကူချေ။ အဝေးသင်တက္ကသိုလ်တက်မည်ဆိုပါက အချိန်ပြည့်အလုပ်လုပ်နိုင်မည် ဖြစ်သည်။

အများအားဖြင့် မိဘ သို့မဟုတ် မိသားစုက လူငယ်များ၏ ကောလိပ်စရိတ်ကို ထုတ်ပေးကြသည်။ ကျောင်းစရိတ်အားလုံးကို ပေးသည့်အပြင် လူငယ်များအတွက် အသုံးစရိတ်ပါ ပေးကြသည်။

• ပညာသင်ဆုနှင့် ထူးချွန်မှုအတွက် အထောက်အပံ့။ အထက်တန်းစာမေးပွဲတွင် သင်္ချာဘာသာ၌ အနည်းဆုံး အမှတ် ၈၀ ၊ အင်္ဂလိပ်စာ ဘာသာတွင် ၆၅ မှတ် ရရှိသော ထူးချွန်ကျောင်းသားများကို ပေးအပ်သောဆု ဖြစ်သည်။ တက္ကသိုလ်အထူးပြုဘာသာရပ်အပေါ် မူတည်၍ အခြားစံနှုန်းများလည်း ရှိနိုင်သည်။ အရည်အချင်းမီသော ကျောင်းသားများအနေဖြင့် ပညာသင်ဆုကို လျှောက်ထားနိုင်သည်။ နှစ်စဉ်တိုင်း တက္ကသိုလ်တစ်ခုချင်းစီမှ ကျောင်းသားအယောက် ၂၀ အား ယင်းအထောက်အပံ့ကို ပေးအပ်သည်။