မိမိ တတ်နိုင်သလောက်သာသုံးစွဲခြင်း

အနာဂတ်တွင် ခိုင်မာတောင့်တင်းသော ငွေကြေးတစ်ရပ်ပိုင်ဆိုင်နိုင်ဖို့ရာ မိမိတတ်နိုင်သည့် အတိုင်းအတာအတွင်း စတင်နေထိုင်ရန်နှင့် ပိုမိုကောင်းမွန်သော သုံးစွဲမှုဆိုင်ရာ အလေ့အကျင့်ကောင်းများအကြောင်း အကြံပေးနည်းနာအချို့ကို ဖော်ပြထားပါသည်။

ငွေစာရင်းတစ်ခု ဖန်တီးပါ။
ငွေစာရင်းတစ်ရပ်ပြုစုခြင်းဆိုသည်မှာ သင်၏ ဝင်ငွေနှင့် အသုံးစရိတ်ကို ဆန်းစစ်၍ တိတိကျကျ မည်၍မည်မျှ ဝင်သည်၊ ထွက်သည်ကို သိရှိနိုင်ရန်ပြုလုပ်ခြင်းပင်ဖြစ်သည်။လက်ရှိ ရသုံးငွေစာရင်းကို နားလည်ထားခြင်းဖြင့် ဝင်ငွေမည်မျှ ရရှိသည်၊ မည်သည့်အသုံးစရိတ်များအတွက် သုံးစွဲရသည်တို့ကို သိရှိနိုင်ပြီး၊ ယင်းတို့အပေါ် ပြန်လည်ဆန်းစစ်ကာ မည်သည့်နေရာများတွင် သုံးစွဲမှု လျော့ချနိုင်မည်ကို ရှာဖွေရမည်။ မည်သို့ စတင်ပြုလုပ်ရမည်မသိ ဖြစ်နေပါသလား။ငွေစာရင်း တွက်ချက်နည်း ဖြင့် စတင်လိုက်ပါ။

လိုချင်မှုများနှင့် လိုအပ်မှုများကို ဖော်ထုတ်ပါ။
ငွေစာရင်းတစ်ရပ် ထိရောက်စွာရေးဆွဲနိုင်ရန် သင့်အနေဖြင့် ဆန္ဒအလျောက် သုံးစွဲသည့် ကုန်ကျစရိတ်များ (လိုချင်သောကြောင့်) နှင့် မရှိမဖြစ်လိုအပ်သည့်အလျောက် သုံးစွဲသည့် ကုန်ကျစရိတ်များ (လိုအပ်သောကြောင့်) ကို ခွဲခြားသိမြင်ရမည်ဖြစ်သည်။ လိုအင်ဆန္ဒများနှင့် လိုအပ်ချက်များကို ပိုင်းခြားသိမြင်ခြင်းဖြင့် မည်သည့်အရာတို့ကို အမှန်တစ်ကယ် သုံးစွဲရန်လိုအပ်သည်၊ မည်သည့်အရာတို့ကို ချွေတာစုဆောင်းနိုင်မည်ကို နားလည်လာလိမ့်မည်။ ပထမအဆင့်တွင့် အသုံးစရိတ်နှင့် အရေးမကြီးသော ဝယ်ယူမှုများလျော့ချရန် ဆန်းစစ်မှု ပြုလုပ်ပါ။ ထိုကဲ့သို့ပြုလုပ်ခြင်းသည် သင်၏ တစ်နှစ်စာငွေစာရင်းတွင် စုဆောင်းရန်ငွေပိုများ ထွက်လာခြင်း၊ သို့တည်းမဟုတ် အခြား တစ်နေရာတွင် ပြောင်းလဲသုံးစွဲနိုင်ခြင်း အစရှိသဖြင့် ထူးခြားသည့်ခြားနားတစ်ရပ် ဖြစ်ပေါ်လာနိုင်သည်။ သင့်အနေဖြင့် ဖျော်ဖြေရေးကုန်ကျစရိတ်များ၊ အဆင်အခြင်မရှိ ဝယ်ယူမှု အသုံးစရိတ်များကို လျော့ချခြင်းဖြင့် ဒေါ်လာရာနှင့်ချီစုဆောင်းနိုင်မည်ကို တွေ့မြင်ရပေလိမ့်မည်။ ရည်ရွယ်ချက်မှာ ဘဝတွင် ပျော်ရွှင်စွာနေထိုင်မှုမှ ချုပ်တည်းရန် မဟုတ်ဘဲ ကုန်ကျစရိတ်များကို နားလည်သဘောပေါက်ရန်နှင့် ပိုမိုကောင်းမွန်သော စုဆောင်းငွေအတွက် အသုံးစရိတ်များကို ဦးစားပေးစီစစ်ရန်ဖြစ်သည်။

သင်၏ ကြွေးမြီကို သိရှိထားပါ။
မြန်မာလူမျိုးအများစုသည် ပညာသင်စရိတ်ချေးငွေ၊ အိမ်ငှားခ၊ ကျန်းမာရေး သို့မဟုတ် ဝယ်ယူမှုတစ်ခုမှအကြွေး အစရှိသဖြင့် ပေးဆပ်ရန်ရှိကြသည်။ ထိုကြွေးမြီများကို ပေးချေရန် နှစ်ပေါင်းများစွာ အချိန်ယူရဖွယ်ရှိသည်။ သို့သော် သင့်အနေဖြင့် မိမိတက်နိုင်သည့် အသုံးစရိတ်ဘောင်အတွင်း၌သာ နေထိုင်သုံးစွဲပြီး တင်ရှိနေသည့် ကြွေးမြီများကို ကိုယ်တွယ်ဖြေရှင်းတတ်ရန် အရေးကြီးပါသည်။ မည်သည့်ကြွေးမြီများသည် အတိုးနှုန်းမြင့်မားသည်ကို အချိန်ယူရှာဖွေပြီး၊ ဦးစွားပေး ပေးချေမှုပြုပါ။

ကျွမ်းကျင်ပညာရှင်၏ အကြံပြုချက်ရယူရန် စဉ်းစားပါ။