နိုင်ငံရပ်ခြား ခရီးသွားရန် ဘဏ္ဍာရေးအကြံပြုချက်များ

အကောင်းဆုံး ငွေလွှဲနှုန်းကို ရယူလိုက်ပါ။
ငွေကြေးကို လဲလှယ်ရန် နည်းလမ်းသုံးရပ်ရှိပါသည်။ ခရီးမသွားမီ ဘဏ်တွင် ငွေသားလဲလှယ်ခြင်း၊ လေဆိပ်များရှိ ငွေလဲကောင်တာများတွင် လဲလှယ်ခြင်း၊ သို့မဟုတ် အကြွေးဝယ်ကတ်ကို အလွယ်တကူအသုံးပြုကာ ဝယ်ယူမှုအလိုက် သက်ဆိုင်ရာနိုင်ငံ၏ ငွေလဲလှယ်မှုနှုန်းအတိုင်း အလိုအလျောက်ငွေလဲလှယ်ပြီးသား ဖြစ်နေပေမည်။

Card Hub အဖွဲ့က ပြုလုပ်ခဲ့သော ငွေလဲလှယ်မှုနှုန်းထားအကြောင်း လေ့လာစမ်းစစ်မှုတစ်ရပ်အရ နိုင်ငံရပ်ခြားခရီးသွားသူများ အကြွေးဝယ်ကတ်ကို အသုံးပြုခြင်းဖြင့် ၁၅ ရာခိုင်နှုန်းအထိ ကုန်ကျစရိတ် သက်သာနိုင်သည်ဟုဆိုသည်။ အတိအကျ ဆိုရလျှင် နိုင်ငံတကာအကြွေးဝယ်ကတ်ကွန်ယက်ကြီးများသည် အကောင်းဆုံးငွေလဲနှုန်းများဖြင့် အလိုအလျောက်လဲလှယ်ပေးပါသည်။ လက်ရှိအချိန်အထိ လေဆိပ်များတွင် ငွေလဲလှယ်ဝန်ဆောင်မှုလုပ်ငန်း ဆောင်ရွက်သောကုမ္ပဏီများ၏ ငွေလဲနှုန်းထက် ၁၄.၇ ရာခိုင်နှုန်းနှင့် ဘဏ်ကြီးများ၏ ပျှမ်းမျှငွေလဲနှုန်းထက် ၇.၉ ရာခိုင်နှုန်း ပိုမိုသက်သာပါသည်။

နိုင်ငံရပ်ခြားငွေအတွက် ဝန်ဆောင်ခမယူသော အကြွေးဝယ်ကတ်ကိုရယူပါ။
အကြွေးဝယ်ကတ်ထုတ်လုပ်သူ အားလုံးသည် မြန်မာနိုင်ငံပြင်ပတွင် ငွေလွဲပြောင်းမှုကုန်ကျစရိတ် ပိုမိုများပြားစေမည့် နိုင်ငံရပ်ခြားငွေလွဲပြောင်းခ ရယူပါသည်။ နိုင်ငံရပ်ခြားငွေလွဲပြောင်းခ မယူသော အကြွေးဝယ်ကတ်များသည် ပြည်ပတွင်သုံးစွဲရန်အတွက် ပိုမိုသင့်လျော်ပါသည်။ အကျိုးကျေးဇူး အပြည့်အဝခံစားရနိုင်မည့် နိုင်ငံရပ်ခြားငွေလွဲပြောင်းခ မယူသော ကတ်များသုံးစွဲရန် အောက်ပါလမ်းညွှန်ချက်များကို လိုက်နာပါ။

• လေယာဉ် ခရီးစဉ်များ၊ ဟိုတယ်များနှင့် အခြားလုပ်ဆောင်ချက်များအတွက် ကြိုတင်စီစဉ်မှုများမပြုလုပ်မီ ကတ်ကို ဦးစွာရယူပါ။ နိုင်ငံခြား ကုမ္ပဏီများသည် သင့်အနေဖြင့် ပြည်တွင်း၌ဖြစ်စေ၊ ပြင်ပ၌ဖြစ်စေ ကတ်ဖြင့် ဝယ်ယူမှုများပြုလုပ်ပါက နိုင်ငံရပ်ခြားငွေလွဲပြောင်းခ တောင်းခံပါသည်။
• သင်၏ အကြွေးဝယ်ကတ်ကုမ္ပဏီမှ အဆိုပါ အခကြေးငွေမျိုး တောင်းခံမှု ရှိ၊ မရှိ သေချာဆန်းစစ်ပါ။ သို့မှသာ ခရီးမှ ပြန်ရောက်ချိန် ငွေစာရင်းကို ပြန်လည်စစ်ဆေးကြည့်သည့်အခါ အံအားသင့်ရမှုများမှ ကင်းဝေးနိုင်လိမ့်မည်ဖြစ်သည်။
• အကြွေးဝယ်ကတ်များသည် မည်သည့် နိုင်ငံများအထိ အကျုံးဝင်အသုံးပြုနိုင်သည်ကိုလည်း စစ်ဆေးကြည့်ရှုပါ။ ကတ်အများသည် နိုင်ငံတကာတွင် အသုံးပြုနိုင်ခြင်း မရှိသည်ကို သတိပြုပါ။

သင် မထွက်ခွာမီ ငွေသားထုတ်ယူပါ။
အကယ်၍ သင့်အနေဖြင့် ရောက်ရှိမည့် နိုင်ငံခြားတိုင်းပြည်တွင် အချိန်တိုအတွင်း ATM စက်ကို ရှာဖွေရန် ပူပင် ကြောင့်ကြနေရမည်ဆိုလျှင် ခရီးမသွားမီ ပြည်တွင်းဘဏ်တစ်ခုတွင် ငွေသားအချို့ ကြိုတင်လဲလှယ်ထုတ်ယူသွားပါ။ အောက်ဖော်ပြပါ လုပ်ဆောင်ရမည့်အရာများကို မှတ်သားထားပါ။

• အကောင်းဆုံး ငွေလဲလှယ်နှုန်းရရှိစေရန်အတွက် ဘဏ်ငွေလဲနှုန်းများကို နှိုင်းယှဉ်ကြည့်ရှုပါ။
• ဝန်ဆောင်ခများကိုကြည့်ရှုပြီး၊ ငွေလဲလှယ်ခြင်းမပြုမီ အခြား အပိုဆောင်ငွေကြေးများ တောင်းခံခြင်း ရှိ၊ မရှိဆိုသည်ကို စုံစမ်းပါ။
• သင့်လျော်သည့် ငွေပမာဏကို လဲလှယ်ထားပါ။ ကနဦးခရီးစဉ်အစပိုင်းတွင် သုံးစွဲရန်လုံလောက်မည့် ငွေသားပမာဏကို လက်ဝယ်ထားရှိပါ။ သို့ရာတွင် သယ်ဆောင်ရာတွင် လွယ်ကူစေမည့်ပမာဏကိုသာ ယူဆောင်သွားပါ။

အောက်ပါ အချက်အလက်များကိုဆန်းစစ်ကြည့်ရှုပါ။
နိုင်ငံရပ်ခြားခရီးသွားသည့်အခါ မည်သည့် အကြွေးဝယ်ခွင့်ကတ် (Credit card) သို့မဟုတ် ငွေပေးသွင်းအသုံးပြုကတ် (Debit card) များကို အသုံးပြုသည်ဖြစ်စေ၊ အောက်ပါအချက်အလက်များကို သတိထားရန် အရေးကြီးပါသည်။

• ခရီးမထွက်ခွာမီ ကတ်ထုတ်ပေးထားသည့် ကုမ္ပဏီကို ဆက်သွယ်ပါ။ သင့်အနေဖြင့် မည်သည့်နိုင်ငံ၊ မည်သည့်ဒေသများသို့ မည်သည့်နေ့ရက်များတွင် သွားရောက်မည်ဆိုသည်ကို ကတ်ထုတ်ပေးထားသည့် ကုမ္ပဏီအား ကြိုတင်အကြောင်းကြားထားခြင်းဖြင့် သင်ငွေထုတ်ယူသည့်အခါ အလွဲသုံးစားသံသယမှုဖြင့် ကတ်အသုံးပြုခြင်းကို ယာယီပိတ်သိမ်းခံရမှုမှ ကင်းဝေးနိုင်မည် ဖြစ်သည်။
• ငွေလဲလှယ်ရန် သွေးဆောင်ဖြားယောင်းမှုကို ရှောင်ရှားပါ။ ကုန်သည်များသည် အမေရိကန် ဒေါ်လာနှင့် ပြည်တွင်း ငွေလဲလှယ်ရန် ဈေးနှုန်းတစ်ခုကမ်းလှမ်းလာပြီး အမှန်တကယ် ငွေလဲသည့်အချိန်တွင် မျှတမှုမရှိသည့် နှုန်းထားတစ်ခုဖြင့်တွက်ချက်ကာ ၎င်းတို့ အမြတ်ပိုမိုရရှိစေရန် လုပ်ဆောင်တတ်ကြသည်။ ထိုအဖြစ်များမှ ရှောင်ရှားနိုင်ရန် လက်မှတ်ရေးထိုးခြင်း၊ ပြည်တွင်းငွေပမာဏကို ဖော်ပြထားသည့် ပြေစာများရယူခြင်းတို့ကိုသာ ပြုလုပ်ရသည့် ငွေလဲလှယ်ခြင်းမျိုးကို ပြုလုပ်ပါ။ ခရီးသွားသည့်အခါ ငွေလဲလှယ်ရန် စမတ်ဖုန်းကို အသုံးပြုပါ။
• သင်၏ခရီးစဉ် စိတ်ချရမှု ရှိပါစေ။ ခရီးသွားအာမခံထားခြင်းသည် နိုင်ငံခြားခရီးစဉ်အတွက် မျှော်လင့်မထားသည့် ကုန်ကျစရိတ်များ လျော့ချရာပေးသည့် နည်းလမ်းတစ်ရပ်ဖြစ်သည်။ ခရီးသွားရာတွင် ခရီးဆောင်အိတ်ပျောက်ဆုံးမှုမှအစ လေယာဉ်ခရီးစဉ်အချိတ်အဆက် ပြတ်တောက်မှုများအဆုံး ငွေကြေးအခက်အခဲများ ဖြစ်ပေါ်စေနိုင်သည်။ ခရီးသွားအာမခံသည် စိတ်နှလုံးအေးချမ်းမှုရှိစေရန် အထောက်အပံ့ပေးနိုင်သည်။

နိုင်ငံရပ်ခြားခရီးစဉ်သည် ကုန်ကျစရိတ် များပြားနိုင်ပါသည်။ သို့ရာတွင် စည်းကမ်းတစ်ကျနှင့် သေချာစွာ စီစဉ်ထားပါက ကုန်ကျစရိတ်များလျော့ချရန် ဖြစ်နိုင်ခြေရှိသည်။ နောက်ထပ် ခရီးသွား အကြံပြုချက်များ ရှာဖွေနေပါသလား၊ အောက်ပါ နိုင်ငံရပ်ခြားခရီးစဉ်အတွက်ခြွေတာရေးနည်းလမ်း၅သွယ် ကို အသုံးပြု၍ စဉ်းစားပါ။