ကျောင်းပြန်တက်ခြင်း

အစီအစဉ် ရေးဆွဲပါ။
ကျောင်းသုံးပစ္စည်းများအတွက် ဈေးဝယ်မထွက်ခင် သင်မည်မျှသုံးစွဲနိုင်ကြောင်း ရှေးဦစွာခန့်မှန်းကြည့်ပါ။ မည်သည့်အရာကိုမှ ချန်မထားပါနှင့်။ ငွေကြေးကျပ်တည်းနေကြောင်း ကြိုတင်သိရှိထားခြင်းသည် ပိုကောင်းမွန်ပါသည်။ သင့်ကလေးအတွက် မရှိမဖြစ်လိုအပ်သော ကျောင်းသုံးပစ္စည်းစာရင်းကို ပြုစုပါ။ အချို့ကျောင်းများသည် ရပ်ကွက်အတွင်းရှိ ဈေးဆိုင်တချို့နှင့် ပူးပေါင်းကာ လျော့ဈေးရရှိစေရန် စီစဉ်ထားတတ်ပါသည်။

အကယ်၍ မိမိတွင် လက်ကျန်ပိုက်ဆံကျန်ရှိသေးပါက ကလေးငယ် လိုချင်သောစာရင်းတွင်ပါရှိသည့် ရောင်စုံခဲတံ သို့မဟုတ် အခြားပစ္စည်းတစ်ခုခုကို ဝယ်မဝယ် ဆုံးဖြတ်ပါ။ သို့မဟုတ်ပါက ပိုလျှံငွေကို အိမ်၏ငွေကြေးစာရင်းတွင် ပြန်လည် ပေါင်းထည့်လိုက်ပါ။

သင့် ငွေကြေးစာရင်းသည် မည်မျှလက်တွေ့ကျပါသနည်း။ ကျောင်းပြန်တက်ခြင်း တွက်ချက်နည်းကို အသုံးပြုပြီး စမ်းကြည့်ပါ။

စောလျင်စွာ စတင်ပြီး၊ အဆင်သင့် ဖြစ်နေစေရန် အချိန်ယူပါ။
စောလျင်စွာစတင်စီစဉ်ပါက သင့်အနေဖြင့် အနီးကပ်မှ ဈေးဝယ်ထွက်ခြင်းနှင့် တတ်နိုင်သည်ထက် ပိုမိုသုံးစွဲမိခြင်းတို့မှ ရှောင်ရှားရန် လွယ်ကူပါလိမ့်မည်။ အသက်သာဆုံးဈေးနှုန်းရနိုင်မည့်နေရာများကို စဉ်းစားပြီး၊ back-to-school ကျောင်းသုံးပစ္စည်း ရောင်းချခြင်းအထူးလျော့ဈေးများကို ကြိုတင်ရှာဖွေကြည့်ထားပါ။

သင်၏ ကလေးများလည်း ပါဝင်ပါစေ။
ကျောင်းသုံးပစ္စည်းဝယ်ယူခြင်းသည် ကလေးများအတွက် ငွေကြေးစာရင်းရေးဆွဲခြင်းနှင့် ငွေကြေးစီမံခန့်ခွဲမှုကို သင်ကြားပေးရန် အကောင်းဆုံးသော နည်းလမ်းတစ်ရပ်ဖြစ်သည်။ online ပေါ်ရှိပစ္စည်းဈေးနှုန်းများကို နှိုင်းယှဉ်ခြင်း၊ အထူးလျော့ဈေးများကိုရှာဖွေခြင်း အစရှိသည်တို့ကို ကလေးငယ်များအား ပြုလုပ်စေခိုင်းပါ။

အဆိုပါအလုပ်များကို ပြုလုပ်စေခြင်းဖြင့် ငယ်ရွယ်စဉ်ကတည်းက ငွေကြေးစီမံခန့်ခွဲမှုအလေ့အထနှင့် စီစဉ်ဆောင်ရွက်တတ်မှုဆိုင်ရာ ကျွမ်းကျင်မှုများကို အားပေးမြှင့်တင်သည့် အခွင့်အလမ်းကို စောလျင်စွာရယူပါ။

ဖန်တီးတတ်ပါစေ။
Back-to-school ကျောင်းပြန်တက်လျင် ကျောင်းသုံးပစ္စည်း အသစ်စက်စက်များသာသုံးရမည်ဟု မည်သူကဆိုပါသနည်း။ အဝတ်အစားများနှင့် စာအုပ်များကို အခြားမိသားစုများနှင့် လဲလှယ်ပါ။ သို့မဟုတ် အဟောင်းဆိုင်များနှင့် ဂိုဒေါင်ရှင်း လျော့ဈေးရောင်းချမှုများကို ရှာဖွေဝယ်ယူပါ။

အကယ်၍ ကျောင်းဝတ်စုံများလိုအပ်ပါက ကျောင်းတွင် အရောင်းအဝယ် သို့မဟုတ် လျော့ဈေးရောင်းချမှု ရှိမရှိ ဆိုသည်ကိုစုံစမ်းပါ။ ထိုအပြင် ပြီးခဲ့သည့်နှစ်မှ ကျန်ရှိနေသေးသည့် ကျောင်းသုံးပစ္စည်းလက်ကျန်များကိုရှာဖွေ၍ ပြန်လည်အသုံးပြုနိုင်မှု ရှိ၊ မရှိ ကြည့်ပါ။

အမျှော်အမြင်ရှိစွာ online ပေါ် ဈေးဝယ်ပါ။
အွန်လိုင်းပေါ်တွင် ပါးနပ်စွာဈေးဝယ်ပါ။

ကျောင်းဖွင့်စရာသီတွင် အချို့ဆိုင်များသည် ဝယ်ယူမှုအပေါ်မူတည်ကာ အခမဲ့ ပို့ဆောင်ပေးခြင်းမျိုး ဝန်ဆောင်တတ်ပါသည်။

မိတ်ဆွေများ၊ မိသားစုများနှင့်အတူ တစ်စုတစ်စည်းတည်း ပေါင်းဝယ်ခြင်းသည် အခမဲ့ပို့ဆောင်မှုကိုရရှိနိုင်ပြီး လက္ကားဝယ်ယူမှုသည်လည်း ရေရှည်ကုန်ကျစရိတ်ကို သက်သာစေနိုင်ပါသည်။

အီးမေးလ်ဖြင့်ပေးပို့သော လျော့ဈေးများကို ဆက်လက်ကြည့်ရှုပြီး၊ ကူပွန် ကုတ်နံပါတ်များကို အမြဲတမ်းရှာကြည့်ပါ။

သင့်လျော်သော အီလက်ထရောနစ်ပစ္စည်းများကို ရွေးချယ်ပါ။
အီလက်ထရောနစ်ပစ္စည်းများသည် ကျောင်းတွင် ပိုမိုအသုံးဝင်လာသည်။ သို့သော် ကွန်ပျူတာလက်ပ်တော့ သို့မဟုတ် တက်ဘလက် အစရှိသော အကြီးစားဝယ်ယူမှုများ မပြုလုပ်မီ မည်သည့်ပစ္စည်းများသည် ကလေးငယ်များအတွက် စာသင်ခန်းအတွင်းနှင့်ပြင်ပမှာပါ အသုံးဝင်မည်ကို စဉ်းစားဆုံးဖြတ်၍ ဝယ်ယူခြင်းသည် အကျိုးအရှိဆုံးနှင့် အသင့်တော်ဆုံးဖြစ်ပေလိမ့်မည်။ နည်းပညာနှင့် သင်ကြားမှုပေါင်းစပ်ခြင်း နည်းလမ်းတစ်ရပ်အတွက် ကျွန်ုပ်တို့၏ အခမဲ့ ဘဏ္ဍာရေးဆိုင်ရာ ပညာပေး အက်ပလီကေးရှင်းများကို ရှာဖွေကြည့်ရှုပါ။

အတွေ့အကြုံမှ လေ့လာသင်ယူပါ။
ကျောင်းပြန်တက်ခြင်းဆိုင်ရာ ငွေစာရင်းရေးဆွဲခြင်းကို သင်၏ လက်တွေ့အတွေ့အကြုံများဖြင့် နှစ်စဉ် အလေ့အထတစ်ခုအနေဖြင့် ပြုလုပ်ပါ။ ကုန်ကျစရိတ်များကို မှတ်သားကာ မည်သည့်အရာများသည် နောက်နှစ်တွင် အကောင်းဆုံးအသုံးဝင်မည်ကို မှတ်သားထားပါ။ အကယ်၍ သင်၏ ကလေးကျောင်းစရိတ်များ သက်သာနိုင်သည့် ဆုံးဖြတ်ချက်များ၊ နည်းလမ်းကောင်းများတွေ့ရှိလာပါက ထိုသို့ သက်သာသွားသောငွေများနှင့် မည်သည့်အရာများ ထပ်မံလုပ်ဆောင်၍ရကြောင်းကို ရှင်းလင်းပြောပြထားခြင်းဖြင့် ကလေးများအားသင်ကြားပေးရန် ကောင်းမွန်သော အခွင့်အရေးတစ်ရပ်အဖြစ် အသုံးချပါ။ ယင်းသို့ပိုထွက်လာသောငွေများကို ကလေးတို့၏ စုဆောင်းငွေများအဖြစ် ထည့်ပေးခြင်းဖြင့်လည်း ဆုချရန်စဉ်းစားပါ။

အဆိုပါ ပါးနပ်စွာ နှစ်စဉ်ဈေးဝယ်သည့် အကျင့်ကောင်းများကို လေ့ကျင့်ပေးထားခြင်းဖြင့် သင်၏ ကလေးငယ်များ ဘွဲ့ရပြီးသည့်အခါ သင့်တွင်လည်း ငွေကြေးအတော်အတန် စုဆောင်းထားမိပြီး၊ ကလေးများ၏ လက်တွေ့ဘဝအတွက် ကြိုတင်ပြင်ဆင်ရန် အထောက်အကူပြုပေလိမ့်မည်။