ရာသီအလိုက် အားလပ်ရက်ခရီးသွားချိန်သည် ပျော်ရွင်ဖွယ်ကောင်းသော အချိန်ဖြစ်သင့်သည်။ သို့သော် လက်ဆောင်ပစ္စည်းများနှင့် အလှဆင်ပစ္စည်းများကို ဝယ်ယူရခြင်းကြောင့် မလိုလားအပ်သော ငွေကြေးကုန်ကျမှု စိတ်ဖိစီးမှုများလည်း ဖြစ်ပေါ်စေနိုင်သည်။ မည်သို့ဆိုစေ စနစ်ကျသောငွေစာရင်းနှင့် ကြိုတင်စီစဉ်မှုများဖြင့် မိမိ၏ အားလပ်ရက်များအတွင်း ပူပင်ကြောင့်ကျရမှုများကို အနည်းငယ်လျော့ပါးစေနိုင်မည်ဖြစ်သည်။
အားလပ်ရက်
အားလပ်ရက်အပန်းဖြေခြင်းကြောင့် မိမိ၏ ငွေကြေးအခြေအနေကို ထိခိုက်မှုမရှိစေပဲ ပျော်ရွင်စွာ ဖြတ်သန်းနိုင်ရန် အောက်ပါအကြံပြုချက်များနှင့် နည်းလမ်းများကိုအသုံးပြုပါ။
- ၁။ သင်၏ ရသုံးငွေစာရင်းကို သတ်မှတ်ပါ။
အားလပ်ရက်သုံးငွေကို စတင်သတ်မှတ်ရန် အကောင်းဆုံးနည်းလမ်းမှာ ပြီးခဲ့သောနှစ်မှ ကုန်ကျစရိတ်ကို သုံးသပ်ကြည့်ရှုရန်ဖြစ်သည်။ မည်သည့်နေရာများတွင် မျှော်လင့်ထားသည်ထက် ပိုမိုသုံးစွဲမိခဲ့သနည်း။ ထို့နောက် လက်ဆောင်ပစ္စည်းများ၊ ဖျော်ဖြေရေးများ၊ အစားအသောက်များနှင့် ခရီးသွားစရိတ် စသည်တို့အပါအဝင် အဓိကအမျိုးအမည်များ၊ ပွဲများနှင့် လုပ်ဆောင်မည့်အရာများကို စာရင်းပြုစုလိုက်ပါ။ တစ်ပိုင်းစီတွင် မည်မျှ သုံးစွဲနိုင်မည်ကို ခန့်မှန်းပါ။ လက်ဆောင်ပစ္စည်းစာရင်းတွင် တစ်ဦးစီအတွက် သုံးစွဲရန်ငွေပမာဏကို သတ်မှတ်ထားပါ။ အားလပ်ရက်သုံးငွေကို နှစ်စဉ် ဝင်ငွေ၏ ၁ ဒဿမ ၅ ရာခိုင်နှုန်းထက် ပိုမို၍သုံးစွဲရန်မသင့်ကြောင်း ဘဏ္ဍာရေးဆိုင်ရာရေးဆွဲသူအများစုက အကြံပြုထားကြပါသည်။
အားလပ်ရက်အတွင်း သုံးစွဲရန်ရည်မှန်းထားချက်များကို ကြိုတင်သိရှိထားခြင်းသည် ကာလတစ်လျောက် သတ်မှတ်ထားသည့်အတိုင်း သုံးစွဲမှုပြုစေပြီး အချိန်တန်သည့်အခါ များစွာအထောက်အကူပြုပါလိမ့်မည်။ လွယ်လင့်တကူ အသုံးပြုနိုင်သော ဤ ပွဲအစီအစဉ် ကကူညီနိုင်ပါသည်။ - ၂။ သင်ကိုယ်တိုင် ပြုလုပ်ပါ။
အိမ်လုပ်လက်ဆောင်များသည် စတိုးဆိုင်တွင် ဝယ်ယူသော လက်ဆောင်များထက် ဈေးနှုန်းသက်သာနိုင်ပြီး ပိုမိုသီးသန့်ဆန်သော ရွေးချယ်စရာဖြစ်နိုင်ပါသည်။ လက်ဆောင်ပစ္စည်းအတွက် စိတ်ကူးစိတ်သန်းများကို online ပေါ်တွင် ရှာဖွေကြည့်ရှုပါ။ သို့မဟုတ် မိသားစုများ၊ မိတ်ဆွေများအတွက် တနေ့လယ်လုံး မုန့်များဖုတ်လိုက်ပါ။ - ၃။ ပူးပေါင်း လုပ်ဆောင်ပါ။
ယခုနှစ်တွင် တစ်ယောက်အတွက်နှင့် တစ်ယောက် အပြန်အလှန်ငွေသုံးစွဲနေမည့်အစား မိတ်ဆွေများ မိသားစုများနှင့် ပူးပေါင်းကာ ကံမကောင်းရှာသော လူများအတွက်ပေးလှူရန်စဉ်းစားပါ။ - ၄။ အမြော်အမြင်ရှိစွာ ခရီးသွားပါ။
အားလပ်ရက်အတွင်း ခရီးထွက်မည်ဆိုပါက မည်မျှကုန်ကျနိုင်သည်ကို သိရှိစေရန် အချိန်ယူကာ ကျွန်ပ်တို့၏ ခရီးသွားအစီအစဉ် ကိုအသုံးပြုပါ။ အထူးသဖြင့် ဤအကြံပေးချက်များသည် နိုင်ငံရပ်ခြားခရီးစဉ်အတွက် ခြိုးခြံချွေတာနိုင်မည် နည်းလမ်းများ ဖြစ်သည်ကိုမမေ့ပါနှင့်။ - ၅။ ဖျော်ဖြေမှုအတွက် ချွေတာပါ။
အားလပ်ရက်များသည် အပန်းဖြေရန် အကောင်းဆုံးအချိန်တစ်ခုဖြစ်ပြီး၊ သုံးစွဲရန် အနည်းငယ်စီစဉ်ပြီး ငွေစာရင်းတွက်ချက်ထားခြင်းဖြင့် ကြောင့်ကျမှုနည်းပါးစွာ ပျော်ရွင်နိုင်ပါလိမ့်မည်။ ကြီးမားသောသုံးစွဲမှုမဖြစ်စေဘဲ ပျော်ရွင်ဖွယ်ဖြစ်စေရန် ကျွန်ုပ်တို့၏ ပွဲအစီအစဉ်မှကူညီပါလိမ့်မည်။ ထို့အပြင် အားလပ်ရက်အတွက်ငွေစုနည်းလမ် ကို အသုံးပြုခြင်းဖြင့် သင်၏အားလပ်ရက်သုံးငွေစာရင်းကို ကောင်းစွာအထောက်အကူပြုပါလိမ့်မည်။
မျှဝေမည်
မျှဝေမည်