လူကြီးဘဝရောက်ရှိလာသည်နှင့်အတူ ငွေစာရင်းရေးဆွဲထားရှိခြင်း၊ ဘဏ်အကောင့်များ၊ အာမခံများထားရှိခြင်းတို့ကဲ့သို့သော ငွေကြေးဆိုင်ရာတာဝန်ဝတ္တရားများပါလာတတ်သည်။ မိမိအိုမင်းလာချိန်အတွက်ဖြစ်စေ၊ နေထိုင်မကောင်းချိန်အတွက်ဖြစ်စေ ပြင်ဆင်မှုများပြုလုပ်ထားခြင်းသည် ပျော်ရွှင်ဖွယ်ရာကောင်းသည့်အရာမဟုတ်သော်လည်း ထိုသို့ပြင်ဆင်မှုများပြုလုပ်ရန် လိုအပ်ပါသည်။ မိမိ၏အနာဂတ်အတွက် ကြိုတင်စီမံထားခြင်းအားဖြင့် စိတ်အေးချမ်းမှုရနိုင်သလို ပိုမိုခိုင်မာသော ငွေကြေးလုံခြုံရေးလမ်းကြောင်းပေါ်သို့လည်း ပို့ဆောင်ပေးနိုင်သည်။
အိမ်ခြံမြေစီမံမှု
ဥပဒေဖြင့်တရားဝင်ထားရှိလုပ်ဆောင်ချက်များသည် မိမိချစ်ခင်ရသူများ ရောဂါဘယဖြစ်ပွားချိန်၊ ဆုံးပါးချိန်များရောက်ရှိလာသောအခါ အဆင်ပြေလွယ်ကူစေသည်။ အောက်ပါတို့ကို ထည့်သွင်းစဉ်းစားကြည့်ပါ။
သေတမ်းစာများ
သေတမ်းစာထားရှိခြင်းဟူသည်မှာ အိမ်ခြံမြေစီမံမှုအတွက် ပထမဦးခြေလှမ်းတစ်ရပ်ဖြစ်သဖြင့် ပထမဦးစားပေးလုပ်ဆောင်သင့်သည်။ မိမိ၏သေတမ်းစာတွင်ထည့်သွင်းချက်များသည် မိမိ၏ပိုင်ဆိုင်မှုများကို မည်သူအမွေဆက်ခံမည်၊ မိမိကလေးများ၏အုပ်ထိန်းသူမည်သူဖြစ်မည်၊ မိမိသေဆုံးသောအချိန်တွင် မိမိ၏ ငွေကြေးကိစ္စရပ်များကို မည်သူကစီမံမည်ဆိုသည်တို့ကို အဆုံးအဖြတ်ပေးပါလိမ့်မည်။ မြန်မာနိုင်ငံတွင် ခရစ်ယာန်နှင့် အစ္စလာမ်ဘာသာဝင်များအတွက်သာ အကျုံးဝင်သည်။
ယုံကြည်အပ်နှံမှုများ
ယုံကြည်အပ်နှံမှုဆိုသည်မှာ မိမိက တစ်စုံတစ်ဦးအတွက်ထားရှိခဲ့မည့်ငွေကြေးကို မိမိ၏သေတမ်းစာထက်ပို၍ ထိန်းချုပ်နိုင်စွမ်းရှိသည်။ ဥပမာဆိုရသော် ကလေးငယ်တစ်ဦးအတွက် ငွေထားရှိခဲ့လိုပါလျှင် ယုံကြည်အပ်နှံမှုတစ်ခုပြုလုပ်ထားကာ ၎င်း၏ပညာရေးအတွက်သာအသုံးပြုစေခြင်း သို့မဟုတ် ၎င်းသည် သတ်မှတ်အသက်အပိုင်းအခြားတစ်ခုသို့ရောက်ရှိမှသာ ပေးအပ်စေခြင်းတို့ ဆောင်ရွက်နိုင်သည်။
ပါဝါလွှဲအပ်ခြင်းများ
မိမိအနေဖြင့် တရားဥပဒေဆိုင်ရာဆုံးဖြတ်ချက်များချမှတ်နိုင်ခြင်းမရှိတော့သောအချိန်မျိုးရောက်ရှိလာပါက တစ်စုံတစ်ဦးက မိမိအတွက် ၎င်းဆုံးဖြတ်ချက်များချမှတ်နိုင်ရန်လိုအပ်သည်။ ထိုသူသည် မည်သူဖြစ်စေမည်ဆိုသည်ကို ကြိုတင်ဆုံးဖြတ်ထားခြင်းကို တစ်စုံတစ်ဦးအား ပါဝါလွှဲအပ်ခြင်းဟုခေါ်ဆိုခြင်းဖြစ်သည်။ ပါဝင်လွှဲအပ်ခြင်းတွင် General Power နှင့် Special Power ဟူ၍ ၂ မျိုးရှိပါသည်။ မိမိ၏ ငွေကြေးများနှင့် အခြားဥပဒေဆိုင်ရာကိစ္စရပ်များကို မိမိကိုယ်တိုင် စီမံခြင်းမပြုနိုင်တော့သည့်အခြေအနေမျိုးတွင် မိမိ၏ကိုယ်စား ၎င်းတို့ကို စီမံနိုင်မည့်အခွင့်အာဏာတစ်ရပ်ကို တစ်စုံတစ်ယောက်ထံပေးအပ်နိုင်ရန်အတွက် ရှေ့နေတစ်ဦးနှင့် ဆွေးနွေးပါ။
မျှဝေမည်
မျှဝေမည်