မိမိ၏ကလေးများကို ပညာသင်ပေးခြင်း

ကလေးများကို ငွေကြေးအကြောင်းအသိပညာပေးသောအခါ ပညာပေးဖျော်ဖြေမှု သို့မဟုတ် ဂိမ်းကစားခြင်းနည်းလမ်းများကို အသုံးပြုခြင်းအားဖြင့် ငြီးငွေ့ဖွယ်ကောင်းသောအကြောင်းအရာကို စိတ်ဝင်စားဖွယ်ရာဖြစ်စေသဖြင့် ထိရောက်မှုရှိပါသည်။ Practical Money Skills တွင် ဗီဒီယိုဂိမ်းများ၊ ရုပ်ပြစာအုပ်များနှင့် အက်ပလီကေးရှင်းများကဲ့သို့ ဆွဲဆောင်မှုရှိ၍ ရင်နှီးကျွမ်းဝင်မှုရှိသောမှုရှိသော ကြားခံအရာများကိုအသုံးပြုထားသောကြောင့် ဆယ်ကျော်သက်များကို ပျော်ပျော်ရွှင်ရွှင်ဖြင့် လေ့လာနိုင်စေသည်။

အသက် ၄ နှစ်မှ ၆ နှစ်

ကလေးငယ်များအနေဖြင့် ငွေစက္ကူများခွဲခြားကြည့်ခြင်း၊ ငွေကြေးစုဆောင်းနိုင်မည့်နည်းလမ်းများကို နားလည်လာနိုင်ခြင်းတို့ကဲ့သို့သော ငွေကြေးဆိုင်ရာအခြေခံအချက်များ လေ့လာနိုင်သည်။ ကလေးငယ်များအတွက် ငွေကြေးစီမံခန့်ခွဲမှုဆိုင်ရာအခြေခံအယူအဆလေးခုမှာ အောက်ပါအတိုင်းဖြစ်သည်။ 

• ငွေစက္ကူအမျိုးမျိုးတို့၏ ပုံသဏ္ဍာန်နှင့် တန်ဖိုးတို့၏ ကွဲပြားမှုကို သိရှိခြင်း
• စုဆောင်းနိုင်ရန်အတွက် ငွေဖယ်ထားခြင်း
• လုပ်ငန်းဆောင်တာငယ်လေးများကို လုပ်ဆောင်ခြင်းအားဖြင့် အခကြေးငွေရရှိနိုင်ခြင်း၏တန်ဖိုးကို နားလည်ခြင်း
• လိုချင်သောအရာနှင့် လိုအပ်သောအရာတို့၏ ကွဲပြားချက်ကို နားလည်ခြင်း

 

Money Sort
နေ့စဉ်သွားလေ့ရှိသောနေရာများ၏ အမျိုးအစားများခွဲခြားခြင်းကို လေ့ကျင့်နိုင်မည်။ မည်သည့်နေရာတွင် ငွေအသုံးပြုရန်လိုအပ်ကာ၊ မည်သည့်နေရာတွင် မလိုအပ်ခြင်းတို့ကို ခွဲခြားသိနိုင်မည်။

Pretend Play
အလုပ်သွားခြင်း သို့မဟုတ် ဈေးဝယ်ထွက်ခြင်းတို့ကဲ့သို့သော တီထွင်ဆန်းသစ်သည့် အပြင်ထွက်ရသည့်လှုပ်ရှားမှုမျိုးပြုလုပ်ရန် ပေးထားသော အခြေအနေများနှင့်အသုံးအဆောင်ပစ္စည်းများကို အသုံးပြုနိုင်မည်။

အသက် ၇ နှစ်မှ ၁၂ နှစ်အထိ

ကလေးများအနေဖြင့် ငွေကြေး၏တန်ဖိုးကို အခြေခံအားဖြင့်နားလည်သွားသောအချိန်တွင် အောက်ပါပို၍နက်နဲသောငွေကြေးဆိုင်ရာအကြောင်းအရာများကို မိတ်ဆက်ပေးပါ။

• ရရှိသောငွေကြေးကို စီမံခန့်ခွဲခြင်း၊ စုဆောင်းခြင်း၊ သုံးစွဲခြင်း
• ဝယ်ယူမှုများကို ခြေရာခံစောင့်ကြည့်ခြင်း
• ငွေစာရင်းတစ်ခုရေးဆွဲခြင်း၊ ထိုအတိုင်းဆောင်ရွက်ခြင်း
• ပြုစုရေးစွဲခြင်း - လိုက်နာကျင့်သုံးခြင်း - ငွေစာရင်း
• မဆင်မခြင်ဈေးဝယ်ယူခြင်းမျိုး ရှောင်ကျဉ်ခြင်း

 

အောက်ပါဂိမ်းကစားနည်းများနှင့် အရင်းအမြစ်များသည် ဖော်ပြပါအယူအဆများကို ခိုင်မာစေနိုင်သည်။

Guardians of the Galaxy : Rocket’s Powerful Plan
Visa နှင့် Marvel တို့မှတင်ဆက်လိုက်သော ငွေစုဆောင်းခြင်း၏အရေးပါပုံ၊ လိုချင်သောအရာနှင့် လိုအပ်သောအရာတို့၏ကွဲပြားပုံကို ခွဲခြားသိရှိခြင်းတို့အကြောင်းဖော်ပြထားသည့် စိတ်လှုပ်ရှားဖွယ်ရာရုပ်ပြအသစ် Guardians of the Galaxy ကိုကြည့်ရှုပါ။
ပိုမိုသိရှိရန်

Avengers: Saving the Day
ဤထူးခြားဆန်းပြားသောရုပ်ပြစာအုပ်တွင် Marvel ၏ နာမည်ကြီးစူပါဟီးရိုးဇာတ်ကောင်များကို ငွေစုဆောင်းခြင်း၊ ဘဏ်ဝန်ဆောင်မှုအသုံးခြင်း၊ ငွေစာရင်းရေးဆွဲခြင်းတို့ကဲ့သို့သော ငွေကြေးဆိုင်ရာအသိပညာသဘောတရားများနှင့် ပေါင်းစပ်ထားခြင်းဖြစ်သည်။ စာအုပ်ကို အွန်လိုင်းတွင် ဘာသာစကားပေါင်း ၈ မျိုးဖြင့် ဖတ်ရှုနိုင်သည်။
ပိုမိုသိရှိရန်

Bingo on the Go
သင်ခရီးသွားပြီးသည့် နေရာများကို စာရင်းမှ ပယ်ဖျက်ကာ နေရာတစ်ခုချင်းစီသို့သွားရောက်ရန် မည်သို့ ငွေကြေးရရှိသည်ကို(အများပိုင်၊ တစ်ဦးပိုင်၊ အကျိုးအမြတ်မယူ သို့မဟုတ် စုပေါင်းခြင်း) ဆွေးနွေးပါ။

အသက် ၁၃ နှစ်မှ ၁၇ နှစ်

မိမိ၏ကလေးများအနေဖြင့် လူကြီးဘဝမရောက်ရှိခင် လေ့လာသိရှိထားသော သဘောတရားများကို လက်တွေ့ဘဝတွင်အသုံးချတတ်ရန်နှင့် ခိုင်မာသောငွေကြေးစီမံခန့်ခွဲမှုစွမ်းရည်များကို တည်ဆောက်ထားနိုင်စေရန် ပံ့ပိုးကူညီပါ။ ဆယ်ကျော်သက်ကလေးများ၏ ငွေကြေးစီမံခန့်ခွဲမှုစွမ်းရည်များ မြင့်မားလာစေရန် အောက်ပါငွေကြေးဆိုင်ရာသဘောတရားများကို သင်ကြားနိုင်သည်။

• အလုပ်လုပ်ခြင်းမှရရှိလာသော ငွေကြေးကို စီမံခန့်ခွဲခြင်း (နွေရာသီအတွင်း အလုပ်လုပ်ခြင်း သို့မဟုတ် အချိန်ပိုင်းအလုပ်လုပ်ခြင်း)
• ငွေကြေးဆိုင်ရာရည်မှန်းချက်များထားရှိခြင်း (ရေတိုနှင့် ရေရှည်ကာလ)
• ကြွေးမြီကို ပါးနပ်စွာအသုံးပြုခြင်းအကြောင်း နားလည်သိရှိခြင်း
• မိမိ၏အချက်အလက်ခိုးယူခံရခြင်းများမှ ကာကွယ်ခြင်း
• ကြွေးမြီစီမံခန့်ခွဲခြင်း
• (ဆိုက်ကယ်၊ ကား သို့မဟုတ် ကောလိပ်ကျောင်းတက်စရိတ်တို့ကဲ့သို့) ရည်မှန်းချက်တစ်ခုအတွက် ငွေစုဆောင်းခြင်း

 

 

ဤဂိမ်းကစားနည်းများနှင့် အက်ပလီကေးရှင်းများသည် ကလေးများ၏ငွေကြေးဆိုင်ရာအသိပညာကို တိုးပွားစေသည်။

ငွေကြေးဆိုင်ရာဘောလုံး
ကစားသူများအနေဖြင့် မြေကွက်များပိုင်ဆိုင်ရေး၊ ဂိုးသွင်းနိုင်ရေးအတွက် ငွေကြေးဆိုင်ရာမေးခွန်းများကိုဖြေဆိုခြင်းအားဖြင့် ယှဉ်ပြိုင်ရမည့် လျင်မြန်စွာ၊ အပြန်အလှန်ကစားရသည့် ကစားနည်းဖြစ်သည်။ ဤဂိမ်းကို iOS အက်ပလီကေးရှင်းအဖြစ် iOS app တွင် အခမဲ့ရယူနိုင်သလို၊ Practical Money Skills မှလည်း အခမဲ့ CD အဖြစ် ရယူနိုင်ပါသည်။
ယခုကစားမည်

Plan'it Prom
ကျောင်းသားကျောင်းသူများ၊ မိဘများအနေဖြင့် Prom ပွဲအတွက်ပြင်ဆင်ရာတွင် လက်တွေ့ကျသော အသေးစိတ်ငွေစာရင်းတစ်ခုရေးဆွဲကာ၊ ဈေးဝယ်ယူသည့်အချိန်တွင် ငွေကြေးသုံးစွဲမှုများအားလုံးကို စောင့်ကြည့်၍ ရေးဆွဲထားသောငွေစာရင်းအတိုင်းသာသုံးဆွဲနိုင်ရေးအတွက် ကူညီပေးသည့် Android နှင့် iOS တို့တွင် အခမဲ့ရရှိနိုင်သော အက်ပလီကေးရှင်းဖြစ်သည်။
iOS အတွက် ယခု ဒေါင်းလုတ်ရယူပါ Android အတွက် ယခု ဒေါင်းလုတ်ရယူပါ။.

 

မိသားစုဝင်များ၏ အလုပ်အကိုင်များ
မိသားစုဝင်များ၏အလုပ်အကိုင်များ၊ ထိုအလုပ်အကိုင်များရရှိရန်အတွက် မည်သည့်ပညာရေး၊ လေ့ကျင့်မှုမျိုးတို့ကို လိုအပ်ခဲ့ကြောင်း လေ့လာ၍ နှိုင်းယှဉ်ကြည့်ပါ။

ကောလိပ်ကျောင်းအဆင့်သတ်မှတ်ချက်များ
ကောလိပ်ကျောင်းတက်ရန် နှစ်များစွာ ကြာရှည်ဦးမည်ဖြစ်စေ၊ နီးကပ်နေသည်ဖြစ်စေ ကျောင်းများကို အွန်လိုင်းပေါ်မှ ရှာဖွေ၍ နှိုင်းယှဉ်နိုင်သည်။

အသက် ၁၈ နှစ်နှင့်အထက်

ငွေကြေးစီမံခန့်ခွဲမှုစွမ်းရည်များတိုးတက်လာရန်အတွက် လူကြီးဘဝတစ်လျှောက်လုံးပင် စဉ်ဆက်မပြတ်လေ့လာနေရန်လိုအပ်သည်။ Practical Money Skills တွင် အွန်လိုင်းနှင့် မိုဘိုင်းလ်ဖုန်းမှတွက်ချက်နည်းများစုပေါင်းထားပေးသောကြောင့် လူငယ်များအတွက် ၎င်းတို့၏ကိုယ်ပိုင်ငွေကြေးသတင်းအချက်များကို ပိုမိုအသေးစိတ် လေ့လာသိရှိနိုင်ရန် အထောက်အကူရစေသည်။ အသင့်တော်ဆုံးတွက်ချက်နည်းများနှင့် ဗဟုသုတရရှိနိုင်သော ဂိမ်းကစားနည်းများမှာ အောက်ပါအတိုင်းဖြစ်သည်။

ကားတစ်စီး ဝယ်ယူခြင်း
ကားအသစ်တစ်စီးဝယ်ယူရန်အတွက် သင်သည် ငွေမည်မျှတတ်နိုင်သည်ကို တွေးတောပါ။
ယခုတွက်ချက်မည်

အရေးပေါ်အတွက် စုဆောင်းငွေများ
မျှော်လင့်မထားသော အရေးပေါ်ကိစ္စရပ်များပေါ်ပေါက်လာပါက သုံးစွဲနိုင်ရန် ငွေမည်မျှဖယ်ထားမည်ကို တွက်ချက်ပြင်ဆင်ပါ။
ယခုတွက်ချက်မည်

ငွေစာရင်းရေးဆွဲခြင်း
မိမိ၏ငွေအဝင်အထွက်များကို အပြည့်အဝထိန်းချုပ်နိုင်ရန် မိမိ၏နေ့စဉ်အသုံးစရိတ်များကို စောင့်ကြည့်ပါ။
ယခုတွက်ချက်မည်

ရည်မှန်းချက်တစ်ခုအတွက် ငွေစုဆောင်းခြင်း
တီဗီအသစ်တစ်လုံးဝယ်ယူရန်ဖြစ်စေ၊ ခရီးတစ်ခုထွက်ရန်ဖြစ်စေ ဤငွေစုဆောင်းမှုတွက်ချက်နည်းဖြင့် မိမိ၏ ရည်မှန်းချက်ပြည့်မီအောင် ဆောင်ရွက်နိုင်သည်။
ယခုတွက်ချက်မည်

ကျောင်းသားချေးငွေပြန်ဆပ်ခြင်း
မိမိ နောက်ပိုင်းတွင်ရရှိလာမည့်အနာဂတ်ဝင်ငွေဖြင့် အကြွေးပြန်လည်ပေးဆပ်နိုင်ခြေကို သိရှိနားလည်ထားပါ။
ယခုတွက်ချက်မည်

ငွေကြေးဆိုင်ရာဘောလုံး
ကစားသူများအနေဖြင့် မြေကွက်များပိုင်ဆိုင်ရေး၊ ဂိုးသွင်းနိုင်ရေးအတွက် ငွေကြေးဆိုင်ရာမေးခွန်းများကိုဖြေဆိုခြင်းအားဖြင့် ယှဉ်ပြိုင်ရမည့် လျင်မြန်စွာ၊ အပြန်အလှန်ကစားရသည့် ကစားနည်းဖြစ်သည်။ iOS အက်ပလီကေးရှင်းကို အခမဲ့ ဒေါင်းလုတ်ရယူနိုင်သည်၊ အွန်လိုင်းတွင် ကစားနိုင်သည် သို့မဟုတ် Practical Money Skills မှလည်း အခမဲ့ CD မှာယူနိုင်ပါသည်။
ယခုကစားမည်