မြန်မာနိုင်ငံတွင် တရားဝင်အရွယ်ရောက်သည့်အသက် ၁၈ နှစ် ပြည့်သည်နှင့် မိသားစုထဲမှထွက်ခွာပြီး တခြားနေရာသို့ ပြောင်းရွှေ့သွားခြင်းမှာ အလွန်ရှားပါးသည်။ ထို့အပြင် သားဖြစ်သူ အိမ်ထောင်ပြုပြီးသည့်အခါတွင်လည်း ဇနီးဖြစ်သူကို မိသားစုအတွင်း ခေါ်လာလေ့ရှိသည်။ ငွေကြေးထောက်ပံ့မှုကို မိဘများကသော်လည်းကောင်း၊ သားသမီးကသော်လည်းကောင်း ပံ့ပိုးလေ့ရှိရာ တစ်မိသားစုလုံးတွင် အဓိကဝင်ငွေရှာဖွေပေးသူမှာ သားသမီးဖြစ်လေ့ရှိသည်။ မိဘများကို စောင့်ရှောက်သည်ဖြစ်စေ၊ အိမ်ထောင်ပြုသဖြင့် ထပ်တိုးလာသော မိသားစုဝင်များ (ဇနီး၊ သားသမီး) ကို စောင့်ရှောက်သည်ဖြစ်စေ မလိုလားအပ်သော ငွေကြေးပြတ်လတ်မှုမျိုးကို ရှောင်ရှားကာ ချောမွေ့သောငွေကြေးလည်ပတ်မှုမျိုးရှိစေရန်အတွက် ခိုင်မာတိကျသောငွေကြေးအစီအမံတစ်ခုကို ချမှတ်ထားရန်လိုအပ်သည်။ မိသားစုအတွက် ငွေကြေးအစီအမံချမှတ်ရာတွင် လစဉ်ငွေစာရင်းများ၊ နှစ်စဉ်ငွေစာရင်းရှင်းတမ်းများ၊ ကျန်းမာရေးကိစ္စကဲ့သို့ မျှော်လင့်မထားသည့် အခြေအနေများအတွက် အရေးပေါ်ငွေကြေးများ ပါဝင်သည်။
ငွေစာရင်းရေးဆွဲခြင်း
မြန်မာနိုင်ငံသား အနည်းစုမှာ ငွေစာရင်းရေးဆွဲ၍ စီမံသုံးစွဲတတ်ကြသော်လည်း အများစုမှာ စိတ်မှန်းဖြင့်သာ တွက်ချက်သုံးစွဲကြသည်။…
